बुटवलमा शक्ति प्रदर्शन गर्दै प्रचण्ड-नेपाल समूहले भन्यो-हाम्रो जित सुनिश्चित छ
काठमाडौं । नेकपाको प्रचण्ड-नेपाल समूहका अध्यक्ष माधवकुमार नेपालले प्रतिगमनलाई पछार्न एकजुट हुन आमजनसमुदायलाई आग्रह गरेका छन् ।
संसद विघटनविरुद्ध बिहीवार बुटवलमा लुम्बिनी प्रदेशस्तरीय विरोध प्रदर्शनपछि आयोजित सभालाई सम्बोधन गर्दै अध्यक्ष नेपालले प्रतिगमनविरुद्ध एकजुट हुन आग्रह गरेका हुन् ।
उनले आफू संसद विघटनविरुद्धका सभालाई सम्बोधन गर्न विभिन्न जिल्लामा सहभागी भएको र त्यहाँ ओली समूहप्रति वितृष्ण देखिएको बताए । उनले आफूहरु न्यायको पक्षमा रहेको र आफूहरुको जित सुनिश्चित भएको बताए ।
उनले भने, हामीहरु न्यायको पक्षमा छौं, हाम्रो जित सुनिश्चित छ, सूर्य चिन्ह हाम्रो हुन्छ, मूल पार्टी हाम्रो हुन्छ ।’ उनले माघ २८ गते काठमाडौंमा हुने प्रतिगमनविरुद्धको आन्दोलन भव्य हुने र प्रतिगमनलाई धक्का दिने बताए ।