ओलीमार्फत थप द्वन्द्व र अराजकता निम्त्याउने योजनाकाविरुद्ध एकजुट होऔंः संविधानविद् आचार्य
काठमाडौं । संविधानविद् डा. भिमार्जुन आचार्यले सशस्त्र द्वन्द्वका नेतृत्वहरूमार्फत समाजलाई विभाजन गरि स्थायी अस्थिरता कायम गर्न खोजिएको अधुरो योजना यसपटक प्रधानमन्त्री केपी शर्मा ओलीमार्फत उनीहरूले पूरा गर्न खोजेको टिप्पणी गरेका छन् ।
बुधबार सामाजिक संजालमार्फत आचार्यले अस्थिरता चाहनेहरुको यस योजनालाई देश र देशको हित चाहने सबै नागरिक र राजनीतिक शक्तिहरू सतर्क हुनुपर्ने बताएका हुन् ।
उनले लेखेका छन्, ‘सशस्त्र द्वन्द्वका नेतृत्वहरु मार्फत समाजलाई विभाजन गरि स्थायी अस्थिरता कायम गर्न खोजिएको अधुरो योजना यसपटक ओलीजी मार्फत उनीहरुले पुरा गर्न खोजेको देखिन्छ । देश र देशको हित चाहने सबै नागरिक र राजनीतिक शक्तिहरु यसमा सजक र सतर्क हुन आवश्यक छ । यो कुनै राजा वा राष्ट्रवादी शक्तिलाई पुनः स्थापित गर्ने योजना होइन । थप द्वन्द्व र अराजकता निम्त्याउने योजना हो। त्यसैले आजको पहिलो र न्युनतम आवश्यकता विधिको पुनर्वहाली हो। यसका लागि एकजुट होऔं ।’