सबै नागरिकलाई कोभिडविरुद्धको खोप निःशुल्कः प्रधानमन्त्री



काठमाडौं । प्रधानमन्त्री केपी शर्मा ओलीले नेपाल कोभिड १९ विरुद्धको लडाईंको नयाँ चरणमा प्रवेश गरेको बताएका छन् ।

बुधबार प्रधानमन्त्री निवास बालुवाटारबाट भर्चुअल रुपमा कोभिडविरुद्धको खोप अभियानको शुभारम्भ गर्दै प्रधानमन्त्री ओलीले खोप अभियान सुरुवात भएसँगै कोभिडविरुद्धको लडाईं नयाँ चरणमा प्रवेश गरेको बताएका हुन् ।

उनले भने, ‘खोप अभियानबाट कोभिड १९ विरुद्धको लडाईंलाई माथि उठाएका छौँ । गएको एक बर्ष अत्यन्तै कठिन भएको छ । महामारीका रुपमा आएको कोभिडबारे यसअघि कसैलाई पनि ज्ञान नभएपनि यसको सामना गर्न हामी अघि बढिरह्यौँ।’ उनले माघ १८ गतेसम्म संचालन हुने यस अभियानमा सिंगो राष्ट्र एकताबद्ध भएर सफल पार्न आह्वान गरे ।

प्रधानमन्त्रीले सबै नागरिकलाई यो खोप निःशुल्क उपलब्ध हुने स्पष्ट पारेका छन् । उनले अग्रपंक्तिमा रहेर खटिने स्वास्थ्यकर्मीको उच्च प्रशंसा गर्दै आफु खतरा मोल्न चाहेर पनि देश हितमा लाग्नेहरुको कठिन घडीमा पुर्याएको योगदान अविस्मरणीय रहेको बताए ।

प्रधानमन्त्रीले भारतीय प्रधानमन्त्री नरेन्द्र मोदीलाई खोप उपलव्ध गराएकोमा विशेष धन्यवाद दिए । त्यसक्रममा उनले अन्य देशसँग समेत खोपवारे कुराकानी भइरहेको र भारतसँग थप खोप किन्ने पहल भइरहेको जानकारी दिए ।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
सर्वोच्चका न्यायाधीश भन्दा ठूलो फैसला दिने न्यायाधीश जनता हुन्ः ईश्वर पोखरेल

काठमाडौं । उपप्रधानमन्त्री ईश्वर पोखरेलले सरकारविरुद्ध अविश्वासको प्रस्ताव ल्याउन चुनौती दिएका छन् ।

फागुन २३ गते संसद् अधिवेशन बोलाउन राष्ट्रपतिसमक्ष सिफारिस

काठमाडौँ । सरकारले यही फागुन २३ गते संसद् अधिवेशन बोलाउन राष्ट्रपति विद्यादेवी भण्डारीसमक्ष

थप ११२ जनामा कोरोना संक्रमण, ५४ जना संक्रमणमुक्त

काठमाडौं । नेपालमा थप ११२ जनामा कोरोना संक्रमण पुष्टि भएको छ । स्वास्थ्य

गृह मन्त्रालयद्वारा ४० भन्दा बढी जिल्लाका प्रमुख जिल्ला अधिकारीहरुको सरुवा

काठमाडौ । गृह मन्त्रालयले सहसचिव र उपसचिव गरी ५२ जनाको सरुवा र पदस्थापन