‘पार्टी सिस्टम काम छैन, राजा राख्ने नेपाल चलाउने’
काठमाडौं । केही समयदेखि सडकमा दैनिकजसो राजतन्त्रका पक्षमा नारा लाग्न थालेको छ । राजसंस्था पुनःस्थापनाको माग गर्दै काठमाडौंलगायत देशका विभिन्न सहरमा सभादेखि मोटरसाइकल र्यालीसमेत हुँदै आएका छन् ।
अझ प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले प्रतिनिधिसभा विघटन गरेपछि त राजावादीहरुको आवाज झन बढेको छ । करिव करिव दुई तिहाइ बहुमत भएको सरकारले संसद विघटन गरेपछि त नागरिकहरुमा पनि दलहरुप्रतिको वितृष्णा झनै बढेको छ । यस्तै विचार व्यक्त गरेकी छन् नायिका करिश्मा मानन्धरले पनि ।
उनले बुधबार सामाजिक संजाल फेसबुकमार्फत यस्तो विचार व्यक्त गरेकी हुन् । उनले लेखेकी छन्, धेरै कमेन्ट हेरे ! यो कामै छैन ! पार्टी सिस्टम काम छैन । दुई विचार काम छ । राजा राख्ने । दुई विचारले नेपाल चलाउने ।’
