पूर्वप्रधानन्यायाधीशहरुले एउटा नागरिकको रूपमा बोल्न नपाउने ?



केशवप्रसाद भट्टराई ।

सडकमा ढुंगा हान्ने र टायर बाल्ने कार्यकर्ताहरूलाई न्यायाधीश बनाउने मुलुकका पूर्वप्रधानन्यायाधीशहरू कस्ता हुन् त ?  सडकमा ढुंगा हान्ने,टायर बाल्ने, बार भाँच्ने पार्टी कार्यकर्ताहरूलाई न्यायाधीश बनाउने मुलुकमा पूर्ब प्रधान न्यायाधीशहरूले सडकमा इजलास खडा गरेर फैसला गर्नु के नौलो भयो र ?

चौबाटोमा बसेर फैसला गर्ने कथित जन अदालत उहाँहरूको न्याय, कानुन र न्याय निर्णयको मानदण्ड उहाँहरूका आदर्श होला नी त ।
नत्र अदालतमा परेको मुद्दाको यौटा पक्षमा रहेका प्रधानमन्त्रीले किन मुद्दाबारे बोले भन्ने प्रश्न उठाएर आफ्नो विगतको पदीय सम्मान र मर्यादा विपरित किन बोल्थे र ?

आफ्नो निर्णय र शिफारिश विरूद्ध अदालतमा मुद्दा खेपिरहेका प्रधानमन्त्रीले आफ्नो निर्णय र सिफारिशबारे आफ्नो धारणा व्यक्त नगरे कसले गरिदिने ?
विपक्षीले ?
पूर्वप्रधानन्यायाधीशहरूले ?
प्रश्न उठेको छ–उनीहरूले एउटा नागरिकको रूपमा बोल्न नपाउने ?

उनीहरू आमनागरिक सरह होइनन्, संविधानले उनीहरूलाई कुनै अदालतमा उपस्थित भएर वकालत गर्न निषेध गरेको कुराको मर्म त्यही हो । उनीहरूले आफैँले हस्ताक्षर गरेर जारी गरेको वक्तव्यमा आफूलाई सर्वोच्च अदालतको पूर्व प्रधान न्यायाधीश भनेर उल्लेख गरेका छन् ।
र उनीहरूको आशय अदालतको निर्णयलाई प्रभाव पार्ने र प्रधानमन्त्रीका विपक्षीहरूलाई सहयोग गर्ने नै हो, भन्ने कुरा जो कोहीले बुझ्न सक्दछ । त्यो अनैतिक हो र अमर्यादित हो । तर जन अदालतलाई आदर्श मान्नेहरूका लागि त्यस्तो नलाग्न सक्दछ ।

नत्र अदालतमा कुनै विषयबारे उनीहरूले बहस गर्न नपाउने तर त्यसैगरी सडकमा र मिडियामा बहस गर्न पाउने हुन्छ कतै ?
वर्तमान र भावी प्रधानमन्त्रीहरूले यसबाट शिक्षा ग्रहण गरेर संवैधानिक परिषद र न्याय परिषद्को संरचनालाई परिवर्तन गरेर त्यसलाई बढी उत्तरदायी बनाउने र न्यायाधीशहरूमा राजनीतिक नियुक्ति नहुने र दलीय भागबन्डा गर्दै नगर्ने प्रणाली र अभ्यास बनाइयो र बसाइयो भने भविष्यमा यस्तो नहोला ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
प्रधानमन्त्रीज्यू, संक्रमित परिवारले आफ्नो‌ स्वास्थ्यको ख्याल गर्ने कि, मृत्युमा शोक गर्ने कि, सीसीएमसीको प्रकृया पुरा गर्ने ?

कुमार शर्मा आचार्य । सरकारले कोरोनाको व्यवस्थापन जटिल बनाएको रहेछ! सरकारले अस्पतालको व्यवस्था

सरकारलाई जनताको जीवन रक्षामा ध्यान केन्द्रित गर्न माधव नेपालको आव्हान

काठमाडौं । नेकपा एमालेका वरिष्ठ नेता माधवकुमार नेपालले सरकार कोरोना भाइरस नियन्त्रण गर्न

पोहोर साल जस्तै यो साल पनि कात्रोमा खल्ती हाल्यो साथीले !!

हामी जब जब मर्न थाल्यौं खेती गर्न थाल्यो साथीले ! पोहोर साल जस्तै

भारतमा कोरोना संक्रमणबाट एकैदिन ४१ सय ९४ को मृत्यु

भारत । कोरोना भाईरस संक्रमणको दोस्रो लहरको ‘हटस्पट’ बनेको भारतमा शनिबार पनि संक्रमितको