संविधानमा हुँदै नभएको अधिकार सर्वोच्चले प्रयोग गरे संविधान कागजको खोस्टो हुन्छः नारायणकाजी



काठमाडौं । नेकपाको प्रचण्ड-नेपाल समूहका प्रवक्ता नारायणकाजी श्रेष्ठले प्रधानमन्त्रीले संविधानमा नभएको अधिकार प्रयोग गरेर प्रतिनिधिसभा विघटन गरेको भन्दै त्यसलाई सर्वोच्चले सच्याउनुपर्ने बताएका छन् ।

राष्ट्रियसभाको शुक्रबारको बैठकमा श्रेष्ठले आफ्नो पद नबच्ने भएपछि प्रधानमन्त्रीले असंवैधानिक ढंगले प्रतिनिधिसभा विघटन गरेको बताएका हुन् । उनले सर्वोच्चले प्रधानमन्त्रीको कदमलाई सही मान्ने हो भने संविधान संशोधन हुने र त्यसलाई कुनै पनि हालतमा सहन नसकिने बताए । उनले प्रधानमन्त्रीले पार्टीको आन्तरिक मामिलालाई हेरेर व्यक्तिको स्वार्थ हेरेर संविधानमाथि प्रहार गर्न नपाइने बताए ।

उनले भने, ‘संविधानमा हुँदै नभएको अधिकार सर्वोच्चले प्रयोग गरे संविधान कागजको खोस्टो हुन्छ । यो अलोकतान्त्रिक, असंवैधानिक हो। यो प्रतिगामी कदम मात्रै होइन समग्र प्रतिगमनको आधार तयार गर्ने त होइन भन्ने त्रास छ।’

उनले संविधानसम्मत तरिकाले सर्वोच्चले फैसला गर्नुपर्ने बताए । उनले पदका निम्ति प्रधानमन्त्रीले पार्टी एकता र संविधानमाथि खेलेको आरोप लगाए । उनले संविधानको धाराको कुनै हरफ टिपेर टिप्पणी गरेको आधारमा प्रतिनिधिसभा विघटन गर्न नपाइने बताए।

उनले भने, ‘सविधानविद्, कानुनविद् सबैलाई नेपालीलाई थाहा छ प्रधानमन्त्रीलाई प्रतिनिधिसभा विघटन गर्ने अधिकार छैन। हुँदै नभएको अधिकारलाई प्रयोग गरे ।’ संविधान मिचेर फेरि पनि पुर्खाले दिएको देशलाई बचाउन सहिद सम्झनुपर्ने भन्दै उनले सबै राजनीतिक दल आत्मालोचक बन्नुपर्ने बेला आएको बताए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
ओलीसँगको वार्तापछि माधव नेपालले भने- राजीनामा तत्काललाई टर्‍यो

काठमाडौं । नेपाल कम्युनिष्ट पार्टीका वरिष्ठ नेता माधवकुमार नेपालले तत्काललाई सांसद पदबाट राजीनामा

थप ८८४२ जनामा कोरोना संक्रमण, ५०५५ जना संक्रमणमुक्त

काठमाडौं । नेपालमा थप ८८४२ जनामा कोरोना संक्रमण पुष्टि भएको छ । स्वास्थ्य

ठोस प्रस्ताव र लिखित सहमति विना ओलीसँग अलमलमा पर्नुहुन्नः रामकुमारी झाँक्री

काठमाडौं । नेकपा एमालेकी नेतृ रामकुमारी झाँक्रीले ठोस प्रस्ताव र लिखित सहमति विना

इन्डो–प्यासिफिक कमान्डद्वारा नेपाललाई २७ लाख ५० हजार अमेरिकी डलर बराबरको सहयोग घोषणा

काठमाडौं । अमेरिकाले कोभिडविरुद्धको लडाइँका लागि नेपाललाई थप २७ लाख ५० हजार अमेरिकी