विघटन भइसकेको संसद अब बौरिँदैनः प्रधानमन्त्री
काठमाडौँ । प्रधानमन्त्री केपी शर्मा ओलीले बैशाखमा प्रतिनिधिसभाको निर्वाचन हुनेमा ढुक्क हुन आग्रह गरेका छन् । आइतबार आफू निकट विद्यार्थी संगठनको कार्यकर्ता भेलालाई सम्बोधन गर्दै प्रधानन्त्री ओलीले निर्वाचन हुँदैन भन्ने हल्लाका पछि नलाग्न आग्रह गरेका हुन् । उनले बैशाखको निर्वाचन कसैले टार्न नसक्ने बताए ।
उनले भने, ’वैशाखमा प्रतिनिधिसभाको निर्वाचन हुन्छ। कतिपयले भ्रम फैलाउन खोजिरहेका छन् चुनाव हुँदैन भनेर, तपाईंहरु भ्रमको पछि नलाग्नुहोस् ।’
उनले सर्वोच्च अदालतले विघटन भइसकेको संसद अब नब्यूँझाउनेसमेत बताए । पार्टीभित्रका नेताहरुले काम गर्न नदिएकालेनै संसद विघटन गर्नुपरेको उनको भनाई थियो ।