जनताको सङ्घर्षबाट प्राप्त उपलब्धिको रक्षाका लागि सबैलाई एकतावद्ध हुन माधव नेपालको आह्वान



काठमाडौं । सत्तारुढ नेपाल कम्युनिष्ट पार्टीको प्रचण्ड–नेपाल समूहका अध्यक्ष माधवकुमार नेपालले प्रधानमन्त्री केपी शर्मा ओलीले नेपाली जनतालाई सुखभन्दा बढी दुःख दिएको आरोप लगाएका छन् ।

मंगलबार प्रचण्ड–नेपाल समूहले काठमाडौँमा आयोजना गरेको विरोध सभालाई सम्बोधन गर्दै अध्यक्ष नेपालले प्रधानमन्त्री ओलीले नेपाली जनतालाई सुख कम र दुःख बढी दिएको आरोप लगाएका हुन् । प्रधानमन्त्री ओलीमा कम्युनिष्ट आचरण नभएको भन्दै उनले अर्काको खिसीट्युरी गर्ने, सल्लाह तथा सामूहिकतामा विश्वास नगर्ने निरंकुश चरित्र रहेको बताए । प्रतिनिधिसभा विघटनको कदम आफूहरुलाई स्वीकार नभएको अध्यक्ष नेपालले बताए ।

प्रधानमन्त्रीले पार्टीको निर्णय समेत नमानेको कारण पार्टी अध्यक्षबाट हटाएको तर सुध्रिने कि भनि हालसम्म पार्टी सदस्यबाट भने कारबाही नगरिएको उनले बताए ।

केपी प्रवृत्तिको नास गराउनुपर्ने बेला आएको भन्दै उनले यसका निम्ति सम्पूर्ण लोकतान्त्रिक शक्ति एक भएर हातेमालो गर्नुपर्ने आवश्यकता औँल्याए । प्रतिनिधिसभा विघटन भएको अवस्थामा सरकार कामचलाउ हुने भएपनि सरकारले हालसम्म कामचलाउ भएको घोषणा नगरेको उनको भनाइ थियो । ओली पक्षले विभिन्न लोभ, लालचमा मानिसहरु तान्ने प्रयास गरेको भएपनि बालुवाटारको गुटको भेला भएको र आफूहरु आधिकारीक रहेको दाबी गरे ।

उनले इतिहासको पांग्रा पछाडि धकेल्न खोजिएको भन्दै नेपालको इतिहास पछाडि जान नसक्ने बताए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
कांग्रेसको क्रियाशील सदस्यता विवरण सार्वजनिक

काठमाडौं । नेपाली कांग्रेसको १४ औँ महाधिवेशनका सन्दर्भमा पार्टीको विधान, नियमावली र केन्द्रको

केपी ओली पुनः प्रधानमन्त्री नियुक्त हुँदै

काठमाडौं । बहुमत नपुग्ने भएपछि नेपाली कांग्रेस र माओवादी केन्द्रले सरकारको दाबी नगर्ने

ओलीसँगको वार्तापछि माधव नेपालले भने- राजीनामा तत्काललाई टर्‍यो

काठमाडौं । नेपाल कम्युनिष्ट पार्टीका वरिष्ठ नेता माधवकुमार नेपालले तत्काललाई सांसद पदबाट राजीनामा

थप ८८४२ जनामा कोरोना संक्रमण, ५०५५ जना संक्रमणमुक्त

काठमाडौं । नेपालमा थप ८८४२ जनामा कोरोना संक्रमण पुष्टि भएको छ । स्वास्थ्य