विघटन भएको भनेको केपी ओलीको सरकार हो, संसद होइनः प्रचण्ड



काठमाडौं । सत्तारुढ नेकपा प्रचण्ड नेपाल समूह अध्यक्ष पुष्पकमल दाहाल प्रचण्डले नेपालको इतिहासमा प्रधानमन्त्री केपी ओलीले आफूलाई कलंकको टिका लगाएर आफूहरुलाई जनतासमक्ष जाने बाटो दिएको बताएका छन् ।

सोमबार पेरिसडाँडामा जनसंस्कृतिक महासंघले गरेको कार्यक्रमलाई सम्बोधन गर्दै अध्यक्ष प्रचण्डले प्रधानमन्त्रीले संविधानलाई कुल्चिएर लोकतन्त्रको हत्या गरेर संसद विघटन गरेको बताएका हुन् ।

उनले सदन विघटन नभएको समेत दाबी गरे। उनले भने, ‘सदन विघटन भएको छैन। विघटन भएको भनेको केपी ओलीको सरकार हो। उसले जसरी प्रतिनिधिसभाको हत्या भयो भनेको छ, त्यस्तो होइन। प्रतिनिधिसभा जिवित छ ।’

उनले संविधानलाई व्याख्या गर्ने अदालतले भएको भन्दै अदालतले छिटोभन्दा छिटो संसदको बैठक सुरु गर्न आदेश दिने विश्वास व्यक्त गरे ।

उनले भने, ‘आफूलाई इतिहासको कलंकको टिका लगाएर हामीलाई जनतासँग जोडिदिने काम गरिदिनुभयो। बाजी हामीले जितिसकेका छौं। अब अर्को चुनाव हामी जित्छौं।’ लोकतन्त्रको हत्या गरी संसद विघटन गरेर प्रधानमन्त्रीले बाजी हारेको समेत दावी गरे ।

उनले भने, ‘लोकतन्त्रको हत्या गरी संसद विघटन गरे। उनले बाजी हारे। जुन दिन हामीले उनको प्रतिगमनकारी कदमका विरुद्धमा हामी लड्छौं भनेर संकल्प गर्यौं, त्यही दिन बाजी हामीले जित्यौं। हामी दुईचार महिनाको कुरा हो। इतिहासले त्यो कुरा देखाइ छोड्नेछ ।’

उनले केही केही साथीहरु क्षणिक स्वार्थका लागि ओलीतिर लागेका भन्दै त्यसलाई लिएर तनाव नलिन आग्रह गरे । उनले भने, ‘त्यस्ता केही साथी पहिले पहिले जाने गरेकै भित्र पर्ने गर्छन्। तिनीहरु अहिले मात्र गएका होइनन्। तिनीहरु फेरि दुईचार महिना पछि आउँछन्। हेर्नुहोला वैशाखपछि उनीहरु फर्किन्छन्। अन्त जाने ठाउँ हुन्न। अनि हामी अलि फराकिलो दिल भएका माफी दिइहाल्छौँ। स्वागत गरिहाल्छौँ।’

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
नेताहरुबाट कुरै नबुझी खोपमा भ्रष्टाचार भयो भनेर नकारात्मक प्रचार गरियोः स्वास्थ्यमन्त्री त्रिपाठी

काठमाडौं । स्वास्थ्य तथा जनसंख्या मन्त्रालयले कमिशनका कारण खोप खरिद प्रक्रिया अवरुद्ध भएको

मास्कको तुनाको बक्साभित्र लुकाइछिपाई अक्सिमिटरको तस्करी, सात जना पक्राउ

काठमाडौं । शरीरमा अक्सिजनको मात्रा नाप्न प्रयोग हुने अक्सिमिटरमा कालोबजारी गर्दै नक्कली अक्सिमिटर

जेठ १३ गतेसम्म काठमाडौं उपत्यकामा निषेधाज्ञा

काठमाडौं । काठमाडौं उपत्यकामा जेठ १३ गतेसम्म निषेधाज्ञा थप गरिएको छ । काठमाडौं,

नयाँ सरकार गठनका विषयमा छलफल गर्न कांग्रेस पदाधिकारी बैठक बस्दै

काठमाडौं । प्रमुख प्रतिपक्षी दल नेपाली कांग्रेसले समसामयिक राजनीतिक विषयमा छलफल गर्न पार्टीका