अर्धचेत भएकाहरुले जतिसुकै जिन्दावाद भनेपनि इतिहासले डस्नेछ



डा. युवराज संग्रौला ।
राज्यको सुदृढीकरण र जनताको खुसी नै राष्ट्रको विकास हो । के यो प्राप्त गर्यौं हामीले ? होइन गरनौं । म तपाइँहरुसँग केही तथ्यांकको कुरा गर्न चाहन्छु, र भन्न चाहन्छु ‘राजनीतिलाई बदनाम नगर्नुहोस्, यसलाई छट्टुको खेल नबनाउनु होस् ।’

१. पहिला स्वेडेनको एउटा कुरा । स्वेडेनमा प्रधानमन्त्री ओलाफपामेको हत्या गरियो, उनी प्रजातान्त्रिक समाजवादी नेता थिए । दलाल पूँजीवादले वैज्ञानिक समाजवाद मात्र होइन प्रजातान्त्रिक समाजवादलाई पनि सहँदैन । जे होस्, म स्टकहोम गएको थिएँ । मेरो एकजना साथीले उनको हत्या भएको ठाउँमा बनाएको समाधीस्थल देखाउन लगेका थिए । हामी दुई त्यहाँ पुग्दा, त्यहाँ एउटा १३/१४ वर्षको केटा र उसका आमाबुबा थिए। बुबा रिसाएर छोरालाई गाली गर्दै थिए । छोरा रुन थाल्यो । मैले साथीलाई सोधें, के भएछ ? उनले बताए, छोराले पामेको समाधिमा राम्रोसँग शिर झुकाएर सम्मान गरेनछ । त्यसैले बाबु रिसाएछन् । जनतामा नेताप्रतिको सम्मान तीन कुरा निर्माण गर्छ । (१) जुन नेताले आफूलाई मालिक वा निधिपति होइन, प्रतिनिधि ठान्छ त्यसको सम्मान हुन्छ । नेपालका नेताले यस बारेमा सोचुन् ।(२) जुन नेताले गरिब आँसु देख्छ, त्यसलाई जनताले सम्मान गर्छन् । (३) जुन नेताले पद पैसा र सान भन्दा ठूलो बिचारधारा र नैतिकता हो भन्ने ठान्छ, त्यसलाई जनताले सम्मान गर्छन् । अर्धचेत भएकाहरुले जतिसुकै जिन्दावाद भनेपनि जनताको मनमा बस्न सकिएन भने इतिहासले डस्ने छ ।

२. तथ्यांकमा १००० डलर प्रतिव्यक्ति आए भने पनि तलका ४० प्रतिशत जनतामध्ये ९ प्रतिशतले मात्र बल्लतल्ल शिक्षाको पहुँच पाएका छन् । स्कुल गएका गरिब, दलित, दुर्गमका बालबालिका पनि स्कुल छोड्छन् । किनकी उनीहरुसँग स्कुल जाँदा लगाउने लुगा छैनन् । मेरो प्रश्नको जवाफ सरकारले देओस्, किन न्यायाधीशहरुलाई १३ करोडका नयाँ गाडी चाहियो ? यदि यही हरकत हो भने, किन भन्नू पर्यो कम्युनिस्ट पार्टी ? किन सरकारको बिरोधमा रहेका अरु कम्युनिस्ट नेतालाई यो अस्वाभाविक लागेन ? किनकी सरकारमा बस्ने र बाहिरका दुबै खाले कम्युनिस्ट नेताहरूमा बिचारधारा समाप्त भएको छ, केबल सत्ता, सत्ताको मात, र सत्ताको सपनामात्र छ । झोले मित्र हो जिन्दावाद मुर्दावाद भन्नू भन्दा पहिला आफ्ना नेतालाई कम्युनिस्ट बनाउन लड।’

३. राज्यले एउटा विद्यार्थीलाई उच्च शिक्षामा २५७५५० खर्च गर्छ । तर ती शिक्षितसँग सीप पनि छैन, रोजगार पनि छैन। ती मध्येका ६५००० विदेश जान्छन् र अर्बमा रगत सुकाएर रेमिटेन्स पठाउनेले पठाएको १३ खर्ब रुपियाँ बराबरको डलर विदेश लैजान्छन् । कम्युनिस्ट सरकारले के गर्यो र कम्युनिस्ट नेताले के गरे ? राम्रै गरे । अहिले सडकमा गद्दारको नारा लगाउँदैछन् ।

४. अब सप्रिने भए सप्रनु होस् । गफ बन्द गरेर समाजवादको निर्माणमा लाग्नुहोस् । अन्यथा, जनताले आफ्नो शक्ति निर्माण गर्नेछन् । बाँदरका गुफामा बसेर सुरक्षित नठान्नुहोस्, यो गुफामा तपाईँ पनि बसेकोमा बाँदर खुसी छैनन् । अर्थात्, चुनाव जितेर सत्तामा पुगेपनि त्यो सत्ता सामन्तहरुकै हो । जुन दिन अवसर मिल्छ, बाँदरले चिथोर्ने छन् ।

५. गरीब जनताको सेवामा लाग्नु होस्। मिलेर पार्टी राम्रो पार्नुहोस् । बिचारको कदर गर्नुहोस् । राम्रा लुगा लगाउँदैमा, राम्रो गाडी चढ्दैमा ठूलो हुइँदैन । हेर्नुहोस् त, हो चि मिन्हले तपाईँका जस्ता राम्रा लुगा लगाएका थिएनन् । के उनी तपाइँहरु भन्दा तल्लो स्तरका नेता हुन् उनी ? माओसँग तातो कोट थिएन । चाओ एनलाइले किनिदिएका थिए । तपाईहरुसँग माओका भन्दा राम्रा लुगा छन्, तपाईँहरु माओ भन्दा ठूलो हो ? बिपी बेइजिङ्ग जाँदा ओभरकोट थिएन । उनलाई जाडो भएको थाह पाएर चाओले आफ्नो ओभरकोट लगाइदिएछन् । तपाईंहरुसँग त रङ्गरङ्गका लुगा छन्, के तपाईंहरु भन्दा बिपी साना हुन् ?

६. अहिले पनि देशमा अधिकांश मानिसले खान पाउँदैनन् । तपाईंहरु सत्तामा रहिरहने र खोसिहाल्ने खेलमा हुनुहुन्छ । प्रधानमन्त्रीले त नरहे बाँस नरहे बाँसुरी पार्दिनु भो । निर्वाचनमा हुने दश अर्ब खर्चले बुढानिलकण्ठ जस्ता १०० वटा स्कुल बन्ने थिए ।

७. अब युवा र बुद्धि भएकाले राज्य निर्माण गर्ने समय भयो । बुद्धिमानीहरु वर्तमानलाई भविष्यतर्फ मुखरीत गर्छन्, बिगततिर होइन । बुद्धिमानी चराहरु वास बस्न अग्लो, सजिलो, हरियो रुख छान्छन् । उनीहरुलाइ भोलि उड्नुपर्ने थाहा हुन्छ । उनीहरु पहाड नाघेर अगाडि बढ्छन् । अब नयाँ पुस्ताले राज्य जिम्मा लिने बेला भयो । नेपाल मर्दैन, एक दिन समृद्ध देश बन्ने सपना पूरा हुनेछ ।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
लोकतान्त्रिक अभ्यासमा प्रहार गर्न बोलाइएको संवैधानिक परिषद्को बैठकमा भाग नलिन परिषदका अन्य सदस्यलाई देउवाको आग्रह

काठमाडौँ । नेपाली कांग्रेसका सभापति शेरबहादुर देउवाले प्रधानमन्त्री केपी शर्मा ओलीले आइतबारका लागि

प्रधानमन्त्रीज्यू, संक्रमित परिवारले आफ्नो‌ स्वास्थ्यको ख्याल गर्ने कि, मृत्युमा शोक गर्ने कि, सीसीएमसीको प्रकृया पुरा गर्ने ?

कुमार शर्मा आचार्य । सरकारले कोरोनाको व्यवस्थापन जटिल बनाएको रहेछ! सरकारले अस्पतालको व्यवस्था

सरकारलाई जनताको जीवन रक्षामा ध्यान केन्द्रित गर्न माधव नेपालको आव्हान

काठमाडौं । नेकपा एमालेका वरिष्ठ नेता माधवकुमार नेपालले सरकार कोरोना भाइरस नियन्त्रण गर्न

पोहोर साल जस्तै यो साल पनि कात्रोमा खल्ती हाल्यो साथीले !!

हामी जब जब मर्न थाल्यौं खेती गर्न थाल्यो साथीले ! पोहोर साल जस्तै