नेताहरुबाट सभ्य नेतृत्व कहिले होला ?
शारदाप्रसाद त्रिताल ।
नेताहरुबाट सभ्य नेतृत्व कहिले होला ! राजनीति सामान्यत बक्र रेखामा अघि बढ्ने प्रकिया हो । जति खराब भए पनि देशलाई राजनीतिले नै डोर्याउने हो । यस प्रक्रियामा बारम्बार झड्काहरु आइरहन्छन् । मिल्ने र छुट्टिने क्रमहरु चलिरहन्छन् । समर्थन र विरोधहरु भइरहन्छन् ।
यस्तो अवस्थालाई देश, समाज र जनताको एकतामा वाधा नपुर्याउने गरी संयोजन गर्ने काम नेतृत्व गर्नेहरुको हो ।
हाम्रो नेपालमा देशको नेतृत्व गरिरहेका वा गरिसकेका नेताहरुमा आफुले नेतृत्व गरिरहेको समूहलाई उत्तेजित बनाउने र विरोधीप्रति तुच्छ गालिगलौज र कानुनले निषेध गरेका कार्य गर्न उत्प्रेरित गराउने प्रवृत्ति हट्न सकेको छैन जसले गर्दा युवा पुस्ता यस्तै खराब प्रवृत्ति अँगाल्दै अराजक र असभ्य बन्न वाध्य छन् ।
मन मिल्दा नजिक पुग्नासाथ गालै चाट्नुपर्ने र अलिकति वैमनस्य हुने वित्तिकै ढुङ्गै हान्नु पर्ने प्रवृत्ति कहिलेसम्म भोग्नु पर्ने हो नेपाली समाजले ! नयाँ पुस्ता वा युवावर्गले नेताहरुबाट सधैं यस्तै सिक्नु पर्ने हो !
नेताज्यूहरु,सभ्य नेतृत्व गर्न पनि सिक्नु होस् न ।
