टर्कीमा कोरोनाका बिरामी राखेको अस्पतालमा भेन्टिलेटर पड्किँदा नौ जनाको मृत्यु



दक्षिणी टर्कीस्थित कोरोनाभाइरसका बिरामीहरूको उपचार भइरहेको एउटा अस्पतालमा अक्सिजन भेन्टिलेटर पड्किँदा नौ जनाको मृत्यु भएको छ । विस्फोटपछि गाजियान्टेपस्थित सान्को विश्वविद्यालय अस्पतालको सघन उपचार कक्षमा आगलागी भएको स्थानीय गभर्नरको कार्यालयले जनाएको छ ।

अर्को अस्पतालमा सार्ने क्रममा कम्तीमा एकजना बिरामीको ज्यान गएको थियो । टर्कीमा हालसम्म २० लाखभन्दा धेरै मानिसमा कोरोनाभाइरसको सङ्क्रमण फेला परिसकेको छ । कोभिड १९ का कारण त्यहाँ १७ हजार ६१० जनाको ज्यान गइसकेको जोन्स हप्किन्स यूनिभर्सिटीको तथ्याङ्कले देखाउँछ । शनिवार सबेरै भएको उक्त घटनापश्चात् लागेको आगलागीमा अरू थप घाइते भएका छैनन् ।

आगो चाँडै नै निभाइएको थियो । मारिनेहरूमा ५६ देखि ८५ वर्ष उमेरका बिरामीहरू रहेका र विस्फोटको कारणबारे अनुसन्धान थालिएको अस्पतालले जनाएको छ । सोही वार्डमा उपचाररत अन्य बिरामीलाई नजिकैका अरू अस्पतालमा सारिएको गाजियान्टेपका गभर्नको कार्यालयले जानकारी दिएको छ ।

टर्कीका राष्ट्रपतिका प्रवक्ता इब्राहिम कालीनले घाइतेहरूको शीघ्र स्वास्थ्यलाभको कामना गर्दै ट्वीट गरेका छन् । गत महिना रोमानियाको एउटा अस्पतालमा भएको आगलागीमा परी कोरोनाभाइरसका १० जना बिरामीको ज्यान गएको थियो । त्यहाँ एउटा मेडिकल सामग्रीमा आगो लागेपछि अक्सिजन सिलिण्डरमा पनि आगो फैलिएको बताइएको थियो ।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
धुलिखेल–खावा सडकखण्डको स्तरोन्नति कार्य अलपत्र, यात्रुलाई सास्ती उस्तै

  काभ्रे । अरनिको राजमार्गअन्तर्गत काभ्रेपलाञ्चोकस्थित निर्माणाधीन धुलिखेल–खावा सडकखण्डको स्तरोन्नति कार्य अलपत्र अवस्थामा

कोरिया र जापानमा अर्धदक्ष र दक्ष कामदार पठाउने सरकारको तयारी

काठमाडौं । श्रममन्त्री शरतसिंह भण्डारीले वैदेशिक रोजगारमा जाने श्रमिकहरुको सुरक्षा र सुविधाको लागि

इजरायल र इरान युद्धविरामका लागि सहमत

बीबीसी । अमेरिकी राष्ट्रपति डोनल्ड ट्रम्पले इजरायल र इरानबीच युद्धविराम कार्यान्वयनमा आएको बताएका

स्वर्णिम वाग्लेको प्रश्नः बैरागी स्वयं शंकको घेरामा हुनुहुन्छ, शंकाको घेरामा रहेको व्यक्तिले कसको छानबिन गर्ने ?

काठमाडौं । राष्ट्रिय स्वतन्त्र पार्टी र राष्ट्रिय प्रजातन्त्र पार्टीले भिजिट भिसा प्रकरणबारे सरकारले