खाने सङ्घीयता कि काम गर्ने सङ्घीयता ?
केशवप्रसाद भट्टराई ।
प्रदेशका हाकिमहरूलाई कहाँ भोजन गृह र विलाश कक्ष निर्माण गर्ने ठाउँ तोकिदिने काम केन्द्रले गरिदिनु पर्छ । भाग नमिलेर झगडा गरे सम्झाई बुझाइ गर्न केन्द्र नै चाहिन्छ । खाने, बस्ने, गुड्ने, उड्ने सवै व्यवस्था केन्द्रले गरिदिनु पर्दछ । पकेट खर्च, चिया, नास्ता, भट्टी मदिरा खर्च पनि केन्द्रले जुटाइदिनु पर्दछ । कुर्सी, सोफा, सुट , टिभी, ल्यापटपको खर्च पनि केन्द्रले दिनुपर्दछ ।
तर बन्दुक आफैँले हान्न पाउनुपर्छ । प्रहरी र सुरक्षा बल उनीहरूकै खटनमा हुनुपर्छ । खानपान र मोजमस्ती खर्च बढाई रहनु पर्दछ । पैसा जति दिए पनि थोरै नै हुन्छ । सवै भन्दा थोरै काम गर्नेलाई झन् बढी पैसा चाहिन्छ । भने जति पैसा केन्द्रले जसरी पनि दिनु पर्दछ । उनीहरूको मागमा अलिकता तलमाथि भए भिन्न हुने, छुट्टिने कुरा आइहाल्छ । संविधान उल्लङ्घनको कुरा आउँछ !
