यसरी गर्न सकिन्छ कोरोना महामारीको छिट्टै नियन्त्रण

काठमाडौं । एक जना जनस्वास्थ्य विज्ञ डा. रवीन्द्र पाण्डले कोरोना संक्रमण बढ्दै गइरहेका बेला त्यसबाट बच्ने उपाय सुझाएका छन् ।

सामाजिक संजालमार्फत कोरोनाबाट जोगिने उपायकाबारेमा जनचेतना जगाउँदै आएका डा. पाण्डेले नागरिक अनुशासित भए कोरोना संक्रमण नियन्त्रणमा आउने उल्लेख गरेका छन् ।

उनले घरबाहिर जाँदा सबैले सही तरिकाले अनिवार्यरुपमा मास्क लगाउने, जहाँ पनि ६ फिटको दुरी कायम गर्ने, हात सफा गरिरहने, भीडभाडमा नजाने तथा खुला ठाउँमा बसेर कुराकानी गर्नेजस्ता काम सबै नागरिकले अनुशासित भएर पालना गरेमा कहिल्यै लकडाउन नहुने र महामारी पनि छिट्टै नियन्त्रण हुने बताएका छन् ।
डा. पाण्डेका यस्ता छन् सुझाव

घरबाहिर जाँदा सबैले सहि तरिकाले अनिबार्यरुपमा मास्क लगाउने, जहाँ पनि ६ फिटको दुरी कायम गर्ने, हात सफा गरिरहने, भीडभाडमा नजाने तथा खुला ठाउँमा बसेर कुराकानी गर्नेजस्ता काम सबै नागरिकले अनुशाशित भएर पालना गर्यौं भने –
– कहिल्यै लकडाउन हुँदैन |
– कहिल्यै निषेधाज्ञा हुँदैन |
– अस्पतालमा भर्ना हुनुपर्दैन |
– आइसीयुमा पुग्नु पर्दैन |
– भेन्टिलेटरमा जानु पर्दैन |
– कोभिड्को कारण मृत्यु हुँदैन |
– हाम्रा काम तथा ब्यबसाय चलिरहन्छन् |
– छोंटो समयमा महामारी नियन्त्रण हुन्छ |
– खोपको लागि चिन्तित हुनुपर्दैन |
– हाम्रो जीवन र जीविका दुवै बच्दछ |
– देशको अर्थतन्त्र धरासायी हुँदैन |
– जनजीवन पहिलेजस्तै सुचारु हुन्छ |