पर्साको पोखरियाका ३३ जनामा कोरोना संक्रमण

वीरगंज । पर्साको पोखरियाका ३३ जनामा कोरोना संक्रमण पुष्टि भएको छ । पोखरियाका मेयर दीपनारायण रौनियार, पोखरिया अस्पतालका मेडिकल सुपरिटेन्डेन्टसहित ६ जना स्वास्थ्यकर्मीमा पनि कोरोना देखिएको स्वास्थ्य निरीक्षक जयमोद ठाकुरले जानकारी दिएका छन् । त्यस्तै जगरनाथपुर गाउँपालिकामा ४ स्वास्थ्यकर्मीसहित १५ जनामा संक्रमण पुष्टि भएको छ ।

उक्त गाउँपालिकामा साउन २७ मा स्वाब संकलन गरिएको थियो । सखुवाप्रसौनी गाउँपालिकामा ६ जनामा संक्रमण देखिएको छ । त्यहाँ साउन २६ मा स्वाब संकलन गरिएको थियो । साउनमा मात्र जिल्लामा १ हजार १ सय ५४ जना कोरोना संक्रमित थपिएका छन् ।