थप ६४१ जनामा कोरोना संक्रमण, १३४ जना डिस्चार्ज
काठमाडौं । नेपालमा पछिल्लो २४ घण्टामा थप ६४१ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप ६४१ जनामा संक्रमण पुष्टि भएको हो ।
काठमाडौंमा थप १२६ जनामा, भक्तपुरमा आठ जनामा र ललितपुरमा ३८ जनामा संक्रमण पुष्टि भएको छ । पछिल्लो २४ घण्टामा पीसीआर विधिबाट १२,२४७ जनाको नमुना परीक्षण गरिएको छ ।
क्वारेन्टाइनमा १५,२४३ जना रहेका छन् । आइतबार थप १३४ जना डिस्चार्ज भएका छन् । अहिलेसम्म निको भई डिस्चार्ज हुनेको संख्या १७३३५ पुगेको मन्त्रालयले जनाएको छ । पर्सा र मोरङमा एक एक गरी थप दुई जनाको मृत्यु भएको छ ।
