काठमाडौं उपत्यकामा ९२ सहित थप ३८० जनामा कोरोना संक्रमण
काठमाडौं । नेपालमा पछिल्लो २४ घण्टामा थप ३८० जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप ३८० जनामा कोरोना संक्रमण पुष्टि भएको हो । काठमाडौंमा आइतबार थप ९० जनामा कोरोना संक्रमण पुष्टि भएको छ । त्यस्तै ललितपुरमा दुई जनामा संक्रमण पुष्टि भएको छ ।
पछिल्लो २४ घण्टामा पीसीआर विधिबाट ८,५१५ जनाको नमुना परीक्षण गरिएको छ । क्वारेन्टाइनमा ११,०३८ जना रहेका छन् । आइसोलेसनमा ६,५४४ जना सक्रिया संक्रमित रहेका मन्त्रालयले जनाएको छ । आइतबार थप ४० जना डिस्चार्ज भएका छन् । योसँगै अहिलेसम्म निको भइ डिस्चार्ज हुनेको संख्या १६,३५३ पुगेको छ ।त्यस्तै कोरोना संक्रमणबाट मृत्यु हुनेको संख्या ७५ पुगेको छ ।
