काठमाडौं उपत्यकामा १०६ सहित थप ४६४ जनामा कोरोना संक्रमण, ४२५ जना डिस्चार्ज
काठमाडौं । नेपालमा पछिल्लो २४ घण्टामा थप ४६४ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप ४६४ जनामा कोरोना संक्रमण पुष्टि भएको हो । काठमाडौं उपत्यकामा शुक्रबार थप १०६ जनामा कोरोना संक्रमण पुष्टि भएको छ ।
पछिल्लो २४ घण्टामा पीसीआर विधिबाट ७,९२६ जनाको नमुना परीक्षण गरिएको छ । त्यस्तै क्वारेन्टाइनमा १०,२०७ जना छन् । आइसोलेसनमा ६,३३० जना सक्रिय संक्रमित रहेका मन्त्रालयले जनाएको छ । त्यस्तै शुक्रबार थप ४२५ जना डिस्चार्ज भएका छन् । योसँगै डिस्चार्ज हुनेको संख्या १५,८१४ पुगेको छ । त्यस्तै मृत्यु हुनेको संख्या ७० पुगेको मन्त्रालयले जनाएको छ ।
