काठमाडौंका २२ सहित थप २४६ जनामा कोरोना संक्रमण
काठमाडौं । नेपालमा पछिल्लो २४ घण्टामा थप २४६ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप २४६ जनामा कोरोना संक्रमण पुष्टि भएको हो । पछिल्लो २४ घण्टामा पीसीआर विधिबाट ८,८६१ जनाको नमुना परीक्षण गरिएको छ ।
काठमाडौंका थप २२ जना, ललितपुरका ८ र भक्तपुरका एक जनामा कोरोना संक्रमण पुष्टि भएको छ । त्यस्तै क्वारेन्टाइनमा १०,९३४ जना रहेका छन् । आइसोलेसनमा ५,६७२ जना सक्रिय संक्रमित रहेका मन्त्रालयले जनाएको छ । आइतबार थप १११ जना निको भई डिस्चार्ज भएका छन् । योसँगै डिस्चार्ज हुनेको संख्या १४,६०३ पुगेको मन्त्रालयले जनाएको छ । त्यस्तै कोरोना संक्रमणबाट मृत्यु हुनेको संख्या ५७ पुगेको छ ।
