विश्वमा कोरोना संक्रमणबाट ज्यान गुमाउनेको संख्या ६ लाख ६९ हजार नाघ्यो
कोरोना भाइरसको संक्रमणका कारण विश्वमा ज्यान गुमाउनेको संख्या ६ लाख ६९ हजार नाघेको छ । पछिल्लो २४ घण्टामा ६ हजार ७ सय भन्दाबढीको कोरोना संक्रमणबाट मृत्यु भएसंगै मृत्यु हुनेको संख्या ६ लाख ६९ हजार ९ सय ४८ पुगेको वल्डोमिटरले जनाएको छ ।
यस्तै पछिल्लो २४ घण्टामा २ लाख ८४ हजार ३ सयबढीमा संक्रमण देखिएसँगै विश्वभर संक्रमित हुनेको संख्या १ करोड ७१ लाख ७९ हजार ९२ पुगेको छ ।
संक्रमितमध्ये १ करोड ६ लाख ९३ हजार भन्दाबढी उपचारपछि निको भएर घर फर्किएका छन् । ५८ लाख १६ हजार १ सय भन्दाबढीको विभिन्न अस्पतालमा उपचार भइरहेको छ भने ६६ हजार ३ सय ८८ जनाको अवस्था गम्भीर रहेको छ ।
सबैभन्दा बढी प्रभावित अमेरिकामा संक्रमितको संख्या ४५ लाख ६८ हजार ३७ पुगेको छ । जसमध्ये १ लाख ५३ हजार ८ सय ४० जनाको मृत्यु भएको छ । २२ लाख ४५ हजार भन्दा बढी निको भएका छन् ।
यस्तै, ब्राजिलमा २५ लाख ५५ हजार ५ सय १८ जना संक्रमित भएका छन् भने ९० हजार १ सयभन्दा बढीको मृत्यु भएको छ ।