सत्तारुढ नेकपाको स्थायी कमिटी बैठक साउन चार गतेसम्मका लागि स्थगित
काठमाडौं । पटक पटक स्थगित हुँदै आएको सत्तारुढ नेकपाको स्थायी कमिटी बैठक साउन चार गतेसम्मका लागि फेरि सरेको छ । शुक्रबार दिउँसो ३ बजेको लागि तय भएको बैठक फेरि सरेको छ ।
प्रधानमन्त्रीका प्रेस सल्लाहकार सूर्य थापाले बैठक साउन ४ गते दिउँसो तीन बजे बस्ने तय भएको जानकारी दिएका छन् । यसअघि आज बिहान ११ बजे बस्ने भनिएको बैठक ३ बजेसम्मका सारिएको थियो । पछि फेरि साउन ४ गतेसम्मका लागि स्थगित गरिएको हो । आजपनि बालुवाटारमा प्रधानमन्त्री केपी शर्मा ओली र अर्का अध्यक्ष पुष्पकमल दाहाल प्रचण्डबीच छलफल भएको छ ।
तर सहमति भने जुट्न सकेको छैन । बिहीबार प्रधानमन्त्री ओली, प्रचण्ड र वरिष्ठ नेता माधवकुमार नेपालबीच छलफल भएको थियो । तीन नेताबीच अन्य विषयमा सहमति हुन नसके पनि स्थायी समिति बैठक नरोक्ने विषयमा सहमति भएको बताइएको थियो । तीन नेताबीच आजको स्थायी समितिले केन्द्रीय कमिटी बैठकको निर्णय तोक्ने समेत सहमति भएको थियो ।
