प्रधानमन्त्री ज्यू, पुर्खाको सम्मान गर्ने भए ज्ञानेन्द्रलाई गद्धीसिन गराऔं



शेखरजंग रायमाझी ।
प्रधानमन्त्री केपी शर्मा ओलीले नेपाली भूमिमा भारतले अतिक्रमण गरेर सडक बनाएकोले तत्काल वार्ता गर्न भारत तयार हुनुपर्ने बताएका छन् । बुधबार प्रधानमन्त्री निवास बालुवाटारमा बसेको सर्वदलीय बैठकमा प्रधानमन्त्री ओलीले नेपालको अन्तिम सीमा काली भएकोले यसमा कुनै विवाद नभएको बताएको समाचारहरुमा सार्वजनिक भएको छ ।

सन् २०१९ मा भारतले राजनीतिक नक्सा जारी गरिसकेपछि मार्चसम्म लगातार वार्ताका लागि पहल गर्दा पनि तयार नभएकोसमेत प्रधानमन्त्री ओलीले बताएका थिए, सर्वदलीय वैठकका क्रममा । प्रधानमन्त्रीले पुर्खाले लडेर बचाएको भूमि अडेर फिर्ता ल्याउनेसमेत प्रतिवद्धता जनाएको कुरा बाहिर आएको छ । प्रधानमन्त्री ओलीले भारतले यो समस्या समाधानका लागि जुन तहमा वार्ता गर्न चाहन्छ त्यही तहमा नेपाल तयार रहेको जानकारी पनि बैठकमा गराएका थिए । बैठकमा संसदमा प्रतिनिधित्व गर्ने दलहरुले तत्काल भारतसँग वार्ता गर्न सरकारलाई सुझाव दिएका छन् ।

के भने अरु दलले ?
सर्वदलीय वैठकमा विपक्षी दल काँग्रेस सभापति देउवाले काली नदी पूर्वको सबै भूभाग नेपालको भएको भन्दै समस्या समाधानका लागि सरकारले भारतसँग पहिले एक्लै र त्यसपछि भारत र चीनसँग त्रिपक्षीय वार्ता गर्न सुझाव दिएका थिए । सन् २०१५ मा चीन र भारतबीच भएको समझदारीलाई लिएर नेपालले वार्ता गर्नुपर्ने पनि आफ्नो राय रहेको उनले जानकारी दिए ।

बैठकमा वार्तामा भारत आउनैपर्नेमा प्रधानमन्त्रीले जोड दिनुभएको परराष्ट्र मन्त्री ज्ञवालीले जानकारी दिए । उनले लिपुलेकलगायतका क्षेत्रमा समस्या नसुल्झिएको स्वीकार गरिसकेको अवस्थामा सडक बनाएर उद्घाटन गर्नु कुटनीतिक रअन्तर्रा्िष्ट्रय कानुन, मान्यता र दृष्टिकोणका आधारममा पनि न्यायोचित नरहेको बताए ।

यस बिषयमा नेपाल सरकारले स्पष्ट धारणा राखिसकेको भन्दै उनले आवश्यक परे थप धारणा सार्वजनिक गर्ने बताए । अन्य दलका नेताहरुले देशको समृद्धि, कोरोना विरुद्धको संघर्ष र लिपुलेकलगायतको राष्ट्रियताको विषयमा सरकारले चाल्ने सकारात्मक कदममा सहयोग गर्ने बताएका थिए ।

यसरी ढिलै भए पनि प्रधानमन्त्रीले मिचिएको नेपाली भूमि फित्र्ता गराउन राष्ट्रिय सहमति खोज्ने जुन प्रयाश गरे, त्यो आफैमा सराहनीय र सकारात्मक थालनी हो । यस्तै पुर्खाले लडेर बचाएको नेपालाई आफूले अडानमा टिकेर बचाउने जुन प्रतिवद्धता सबै राजनीतिक दलका सामु दर्शाए, त्यो धेरै नै स्वागतयोग्य कदम हो प्रधानमन्त्री केपी ओलीको ।
पुनरुत्थानवादी शक्तिको साधुवाद प्रधानमन्त्रीलाईः
सर्वदलीय वैठकमा प्रधानमन्त्रीबाट आएको कुरालाई हामी पुनरुत्थानवादी शक्तिले हार्दिक स्वागत र समर्थन गरेका छौं । ढिलै भए पनि देश मिचिएको र भारतीय हस्तक्षेप बढेको संकटको घडीमा नै र्भ पनि, हो,पुर्खाको संझना आएछ,धन्यवाद! प्रधानमन्त्री ओलीलाई । अब पुर्खाले श्री ५ बडामहाराजधिराज पृथ्वीनारायण शाहको नेतृत्व पाएका थिए भन्ने सत्यलाई आत्मसात गर्दै ,,पुर्खाले देश एकिकरण र निर्माणको नायकत्वको आदर र कदर गर्दै राजसंस्थाको छहारीमा साझा फुलवारी खडा गरेको पनि आत्मबोध होस। हाम्रा प्रधानमन्त्री केपी ओलीलाई ।
हामी पुर्खाको सन्ततिबाट भए गरेको अन्यायको पश्चताप गर्दै,माफिलिदै अविलम्ब श्री ५ महाराजधिराज ज्ञानेन्द्र वीर विक्रम शाहदेव सरकार को पुनःगद्दिसिन गराऔं भन्ने सुझाव दिन्छौं पुनरुत्थानवादी शक्तिको तर्फबाट । किन भने सहमति,एकता र सहकार्यबाट मात्र नेपाल र नेपालीको समुन्नती हुन्छ भन्ने महान सूत्र अपनाऔ भन्ने नै हाम्रो मान्यता हो ।

अन्त्यमा, घरघरमा ग्याँस,स्वाआँ गर्ने चुच्चे चाइनिज रेल र टिकेट काटेर पानीजहाज चढ्न जाने हावादारी गफ नबनोस प्रधानमन्त्रीको पुर्खाप्रतिको सम्मान र प्रतिवद्धता । यही कामना गर्दै सदबुद्धिको आशा राख्दै पुनः धन्यवाद दिन पाइयोस! भन्ने याचना छ पुर्नरुत्थानवादी शक्तिको प्रधानमन्त्री ओलीसंग ।
अब प्रतिक्षा एक्सनको, राजसंस्था पुनस्र्थापनाकोः
पुर्खाले बचाएको नेपाललाई कुनै पनि हालतमा बचाएरै छाड्छु भन्नेप्रम ओलीको यो प्रतिवद्धता अब व्यवहारमा कार्यान्वयनमा आउन आवश्यक छ । किन भने सधैभरी लोकसम्मतिका आधारमा चल्ने शाहवंशीय राजसंस्था अर्थात आधुनिक नेपालका पुर्खाकै कारण आजको नेपालमा ओलीले सत्ता संचालन गर्न पाउनु भएको हो । देशको माटो र भूमिको रक्षाका लागि अब सरकारले पुर्खालाई पाखा लगाएर होईन, पुर्खाको लामो अनुभव र राष्ट्रप्रेमको समपर्ण भावलाई आत्मासात गरेर पुर्खाकै बल समेतमा अडेर लडने बेला आएको छ । प्रधानमन्त्री ओलीलाई, यो सरकारलाई आफ्नो देशभक्तिमा अड्न र आड लाग्नैका लागि पनि अब नेपाली राजसंस्थाको पुर्नस्थापना निर्विकल्प समयको आवश्यक्ता र देशको खाँचो र जनताको साँच्चो चहाना नै हो ।

निःसन्देह पूर्खाको चिनो भने पनि ईतिहासको धरोहर भने पनि अब शाहवंशीय राजसंस्थाका अन्तिम उत्तराधिकारी श्री ५ ज्ञानेन्द्र अहिले पनि नागरिक भूमिकामा देशको माटो र जनताको भलाईका लागि जुनसुकै कठिन अवस्थामा पनि जुनसुकै खालको अभिभारा लिन र बहन गर्नका लागि तयार नै हुनुहुन्छ । हिजो राजनीतिक दाउपेचमा षडयन्त्र र जालझेल गरेर राजसंस्थालाई किनारा लगाउनुको दुष्परिणाम नै अहिले राष्ट्रियतामाथि चौतर्फी खतरा, धार्मिक द्धेष र विकासमा वाधा परेको तथ्य अब आम नेपाली जनता, राजनीतिक शक्ति र सिंगै देशले बुझिसकेको तथ्य हो ।

त्यसैले देशको सीमा रक्षा गर्न, भूमि जोगाउन, भारतीय हस्तक्षेप र अतिक्रम बन्द गर्न जब प्रधानमन्त्री नै पुर्खा सम्झिरहनु भएको छ भने पुर्खाको अनुभव र योगदान समेतलाई नयाँ राजनीतिक मान्यता र प्रणाली मार्फत पुर्नस्थापित र पुनः सक्रिय गराउन काम र व्यवहारमा नै उत्रनु आवश्यक छ । प्रधानमन्त्रीले यति काम गर्नु भयो भने उहाँ ईतिहासको सबैभन्दा ऐतिहासिक प्रधानमन्त्री हुने पक्का छ । जनताको कामना हो की प्रधानमन्त्रीले अब प्रतिवद्धतालाई एक्सनमा बदल्नु हुनेछ ।
लेखक रायमाझी पुनरुत्थानवादी शक्ति नेपालका संयोजक हुनुहुन्छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
भत्कियो वर्तमान सत्ता गठबन्धन

काठमाडौं । नेपाली कांग्रेस, माओवादी केन्द्रलगायतको वर्तमान सत्ता गठबन्धन भत्किएको छ। वर्तमान सत्ता

भूपू बेलायती गोर्खा सैनिकका मागबारे हुने वार्तालाई निष्कर्षमा पुर्याउन सरकारलाई संसदीय समितिको निर्देशन

  काठमाडौँ ।  अन्तर्राष्ट्रिय सम्बन्ध र पर्यटन समितिले परराष्ट्र मन्त्रालयलाई बेलायती भूतपूर्व गोर्खा

शालीन पोखरेल मृत्यु घटनाको प्रभावकारी रुपमा छानबिन गरी सत्यतथ्य बाहिर ल्याउन सरकारलाई संसदीय समितिको निर्देशन

  काठमाडौँ । संसदको  शिक्षा, स्वास्थ्य तथा सूचना प्रविधि समितिले चितवनको रत्ननगरस्थित एकता

संक्रमणकालीन न्यायसम्बन्धी विधेयकमा समहति जुटेन, कानुनमन्त्रीले मागे समय थप

काठमाडौं । संक्रमणकालीन न्यायसम्बन्धी विधेयक टुंग्याउन कानुनमन्त्री धनराज गुरुङले थप समय मागेका छन्