खान चाहिँ जस्तो बेला पनि मिल्ने तर प्रश्न सोध्नचाहिँ नमिल्ने भन्ने त झन हुँदै हुँदैन



नारायण गाउँले ।

कार्यकर्ताले नेताको प्रसंशा गर्नु त सामान्य नै भयो तर सभ्य देशमा कुनै नेताको आचरण या गतिविधिमा प्रश्न उठ्यो भने त्यसको जबाफ नेताले नै दिने गरेको भेटिन्छ ।
कार्यकर्ताले प्रश्न गर्नेलाई तीन पुस्ता सराप्दै पाखुरा सुर्केको देख्न पाइन्न । बरू यस्तो प्रश्नलाई नेताले सफाइको मौकाका रूपमा लिन्छ, सरोकारवाला सँग गाँसिने अवसरका रूपमा लिन्छ र गाली नगरी जबाफ दिन्छ ।

हामीले चाहिँ बेलाबखत नुन खाएर हो या खाने आशामा हो, रेडीमेड उत्तर बोकेर बसेका छौं । प्रश्न झर्न नपाउँदै हाम्रो उत्तर हाजिर हुन्छ ! अझ हामीलाई भित्रैभित्रै प्रश्न उठोस् र पहिलो जबाफ मैले दिन पाऊँ जस्तो पनि लाग्छ । जबाफ पनि तथ्य या प्रश्नसँग सम्बन्धित भए त हुन्थ्यो, इमोशनल र एकै रङ्गको हुन्छ । नाम मात्रै फेरे पुग्छ ।

“मैले उहाँलाई बीस वर्षदेखि चिनेको छु । यस्तो बेलामा पनि प्रश्न गर्न सुहाउँछ ?” आदि आदि । यो एसईई परीक्षा हो र वर्षमा एकपल्ट मात्र प्रश्न गर्न पाइने ? जतिखेर विषय उठ्छ, जतिखेर शिक्षक कोठामा पस्छन्, त्यतिबेला प्रश्न हाजिर हुन्छ । सार्वजनिक पदमा हुनेले हरपल उत्तरदायित्व बोक्नुपर्छ । खान चाहिँ जस्तो बेला पनि मिल्ने तर प्रश्न सोध्नचाहिँ नमिल्ने भन्ने त झन हुँदै हुँदैन ।

प्रश्न उठ्नेबित्तिकै कोही भ्रष्ट हुँदैन । अझ गल्ती गर्दैमा पनि मान्छे भ्रष्ट नहुन सक्छ । नजानेर या अनियतवश गल्ती हुन पनि सक्छ । या सोझोपन र विश्वासको फाइदा तेस्रो पक्षले उठाएको पनि हुन सक्छ । कहिलेकाहीँ प्रश्नकै नियत गलत हुन पनि सक्छ । हाम्रो समाजको मनोविज्ञान पनि विचित्रको बनिसक्यो, केही नगरे बरु प्रसंशा पाइएला, केही काम गर्ने हो भने त प्रश्नै प्रश्न आउँछन् । तर हरेक प्रश्नको उत्तरदायित्व सधैँ कर्ताकै हुन्छ । तथ्य खोज्ने गणितीय प्रश्नको जबाफ दार्शनिक या इमोशनल हुनु हुँदैन ।

उसो त, चारैतिर बेतलबी जबाफ-बहादुर हुने भएपछि नेताले जबाफदेही बन्ने कष्ट किन गरोस् र !

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
माओवादी छाडेर एमाले प्रवेश गरेका दुई मेयरसहित १४ जनप्रतिनिधिको पद रिक्त

काठमाडौं । नेकपा माओवादी केन्द्र छाडेर नेकपा एमाले प्रवेश गरेका दुई मेयर, पाँच

सर्वोच्चको फैसला सरकारलाई काम गर्न नदिने र असफल पार्ने खालको छः प्रधानमन्त्री

दोस्रोपटक प्रतिनिधि सभाको विघटनविरुद्ध सर्वोच्च अदालतमा दायर भएको रिटमाथि निरन्तर सुनुवाइ भइरहेको छ

अमेरिकाको मायामीमा १२ तले भवन भत्किँदा ९९ जना बेपत्ता

संयुक्त राज्य अमेरिकामा एउटा १२ तले भवन बिहीबार भत्किँदा ९९ जना मानिसहरू बेपत्ता

यो कुनै अवसरवादी गठबन्धन होइनः प्रचण्ड

काठमाडौं नेकपा माओवादी केन्द्रका अध्यक्ष पुष्पकमल दाहाल प्रचण्डले संविधानको रक्षा गर्दै संविधानको समयानुकुल