धादिङका ३२ वर्षीय पुरुषमा कोरोना भाइरसका संक्रमण
काठमाडौँ । स्वास्थ्यमन्त्री भानुभक्त ढकाललेकोरोना भाइरसको संक्रमण भेटिएका तेस्रो व्यक्ति कतारबाट चैत ६ गते नेपाल आएका जानकारी दिएका छन् । बुधबार आयोजित प्रेस ब्रिफिङमा मन्त्री ढकालले संक्रमित व्यक्ति धादिङका ३२ वर्षका पुरुष रहेका जानकारी दिएका हुन् । जनस्वास्थ्य प्रयोगशाला टेकुमा भएको परीक्षणमा बुधबार उनमा संक्रमण देखिएको थियो ।
उनी कतारबाट काठमाडौँ आएर होटलमा बसेका र स्वास्थ्य असहज महसुस भएपछि मंगलबार टेकुस्थित शुक्रराज ट्रपिकल तथा सरुवा रोग अस्पतालमा पुगेर परीक्षण गराएका थिए । मन्त्री ढकालले होटल रहेका अरु सम्भावित व्यक्तिलाई खोजतालस गरी क्वारेन्टाइन र परीक्षणमा लगिने बताए । चैत ४ गते फ्रान्सबाट कतारको दोहा हुँदै नेपाल आएकी १९ वर्षीया युवतीमा संक्रमण देखिएको थियो ।
केही समयअघि चीनबाट आएका एक विद्यार्थीमा कोरोना संक्रमण देखिएको थियो । उनी अहिले उपचारपछि निको भइसकेका छन् । गत डिसेम्बरमा चीनको वुहानबाट सुरु भएको कोरोना भाइरसका कारण अहिलेसम्म करिव १९ हजारको मृत्यु भइसकेको छ भने ४ लाख भन्दा बढी संक्रमित छन् ।
