‘खाने कुरामा राजनीति गर्न मिल्दैन’
डा. गोविन्दशरण उपाध्याय ।
शरीर…
हरेक मान्छेसंग एउटामात्र शरीर छ | आजसम्म विज्ञानले यसको विकल्प खोज्न सकेको छैन | मान्छेले सबैथोक छोड्न सक्छ तर शरीर छोडेर रहन सक्दैन | शरीर रहे सुखदुख अनुभव गर्न मिल्छ, पापपुण्य भोग्न मिल्छ र राम्रो-नराम्रो अनुभूति गर्न सकिन्छ | शरीरलाई माया गर्नुको अर्थ -शरीरलाई पुल्पुल्याउने होइन यसको समुचित हेरविचार गर्ने हो |
जसले शरीरसंग अन्याय गर्छ, उसले अरूसंग न्याय गर्न सक्दैन | जसले आफ्नो शरीरलाई पुल्पुल्याउछ उसले शरीरको प्रकृतिलाई बुझेको हुँदैन | मुखलाई स्वादिलो लाग्ने धेरैजसो खाद्य र पेय वस्तुहरू शरीरका शत्रु हुन्छन् | मुखबाट शत्रुहरू पेटमा पठाएर शरीरलाई कष्ट दिनेहरू असलमा न सुखी हुन सक्छन् न खुसी नै |
तेसैले शरीरका लागि सुपथ्य वस्तु खाऔं र शरीरको प्रकृति सुरक्षित गरौँ | कमसेकम वेदले भनेका शयवर्ष बाँच्ने प्रतिज्ञा पूरा होस् भन्ने कामना त् गरौँ | बौद्धिक काम गर्नेले सात्विक आहार, शारीरिक परिश्रम गर्नेले राजसिक आहार र तामसिक आहार खानका लागि होइन, के खानु हुँदैन भनेर बुझ्नमात्र प्रयोग गर्नुपर्छ |
सबै विषयमा राजनीति गर्न मिल्छ तर खाने कुरामा राजनीति गर्न मिल्दैन | भोजन असल भए शरीर असल हुन्छ, शरीर असल भए धर्म, अर्थ, काम र मोक्ष सहज हुन्छ |
