‘के श्वेतपत्रका नाममा तर्साउन खोजिएको हो ?’



काठमाडौं । सत्तारुढ नेपाल कम्युनिष्ट पार्टीका सांसद जनार्दन शर्माले स्वेतपत्रका नाममा तर्साउने काम नगर्न सरकारलाई चेतावनी दिएका छन् । बिहीबारको प्रतिनिधिसभाको बैठकको विशेष समयमा बोल्दै शर्माले गलत विषय राखेर स्वेतपत्रको नाममा नतर्साउन सरकारलाई चेतावनी दिएका हुन् । शर्माले आफूले गृहमन्त्रीबाट २०७४ असोजमा ३० गते राजीनामा दिएको भएपनि २०७४ कात्तिक १३ गते भएको भनिएको निर्णयमा आफ्नो नाम जोडिएको भन्दै आपत्ति जनाए ।

स्वेतपत्रमा देखिएका कुराहरुको विषयमा बुझ्नका लागि ट्रष्टको कार्यालयमा गएर निवेदन दिएपनि त्यहाँका कर्मचारीले कुनै कागजपत्र नै नदिएको उनले गुनासो गरे । त्यहाँका कर्मचारीलाई आफू गृहमन्त्री हुँदा ट्रष्टको कार्यालयमा नै नआएको भएपनि आफ्नो नाम कसरी जोडियो भनेर सोध्दा कर्मचारीहरुले पनि ‘तपाईको पालामा कुनै निर्णय नै भएको थिएन’ भनेर भनेको शर्माले बताए ।

उनले भने, ‘२०७४ असोज ३० गते नै आफू गृहमन्त्रीको जिम्मेवारीबाट बाहिरिएको हुँ, किन तर्साउन खोजिएको हो, मलाई आत्मसमर्पण गराउन खोजिएको हो ? उनले आफू असत्यको सामु नझुक्ने बताए ।

उनले भने, ‘म अचम्ममा परें यो स्वेतपत्र हो की अस्वेत पत्र हो ? मैले कुनै गलत कुरा त बोलेको छैन तर राज्यव्यवस्था समिति हुँदा कुनै ऐनहरु आउँछन् जो ऐन संविधान भन्दा बाहिर आएर ऐनहरुलाई संशोधन गर्ने कुरामा बोल्छु । परिमार्जन गर्न म पनि लाग्ने गरेको छु । अर्को कुरा विकास समृद्धिका लागि भ्रष्टाचार अन्त्य हुनुपर्छ । सरकार दलालको घेराबाट मुक्त हुनुपर्छ भनेर मैले भनिरहेको छु । जनताको विकास निर्माणको तिव्र चाहना छ । यस्तो बोल्दा आत्मसमर्पण गराउन खोज्ने ?’

उनले यसकाबारेमा सरकारले जवाफ दिनुपर्ने बताए । उनले वर्तमान सरकारले गरेका निर्णयमा नाम उल्लेख नहुनु र त्यो भन्दा अगाडिका सरकारले गरेका निर्णयमा नाम लेखिनुले पनि आशंका उब्जाएको बताए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
बाढीले घर बगाउँदा रुकुम पश्चिममा तीन बालिकाको मृत्यु

रुकुम पश्चिम । रुकुम पश्चिममा बाढीले घर बगाउँदा तीन बालिकाको मृत्यु भएको छ

४५ लाखको चेक र चार लाख घुससहित दुई कृषि प्राविधिक अख्तियारको नियन्त्रणमा

काठमाडौँ । अख्तियार दुरुपयोग अनुसन्धान आयोगको टोलीले ५४ लाख भन्दाबढी नगद र चेकसहित

छिमेकी मुलुक भारत र चीनसँगको सम्बन्ध सुमधुर बनाउँछुः प्रधानमन्त्री ओली

काठमाडौँ । प्रधानमन्त्री केपी शर्मा ओलीले सरकारले सुशासन कायम गराउनुका साथै शिक्षा, स्वास्थ्य

ओली सरकारले गरेका निर्णय अब २४ घण्टासम्म गोप्य रहने

काठमाडौँ । सरकारले बाढीपहिरो एवं प्राकृतिक प्रकोपमा परी मृत्यु भएका व्यक्तिका परिवारलाई राहत