दाङ पुगेर महराले भने -नेपालको सर्वभौमसत्ता रक्षाका लागि सधैं लडिरहन्छु
दाङ । निवर्तमान सभामुख कृष्णबहादुर महराले आफ्नो जीत नै जनताको जीत भएका बताएका छन् । दाङको लमहीमा सोमबार गरिएको स्वागत कार्यक्रमलाई सम्बोधन गर्दै महराले जनताको माया, शुभेच्छा र सम्मानले गर्दा नै आफ्नो जित भएको बताए ।
उनले बिगतमा पनि सधै देशकै लागि लडेको र आगामी दिनमा पनि देशकै लागि लड्ने बताए । “नेपालको राष्ट्रिय स्वाधिनता, राष्ट्रिय स्वतन्त्रता, नेपालको सर्वभौमसत्ता रक्षा गर्ने आफ्नो कर्तव्य भएको उल्लेख गर्दै त्यसकालागि सधै लडिरहने बताए ।
अहिले आफू धेरै बोल्ने पक्षमा नरहेको उनले बताए। उनले जनताको तागतको अगाडि कसैको केही नलाग्ने भन्दै आफूलाई जनताको साथ रहेको बताए । संसद् सचिवालयकी कर्मचारीलाई बलात्कार प्रयास मुद्दामा तीन महिना जेल परेका महरा अदालतले सफाई दिएपछि पहिलोपटक घर आएका हुन् ।
उनी सडकमा कार्यकर्ताहरुलाई सम्बोधन गरेपछि कडा सुरक्षबीच सिधैं घोराही–१७ पनौरास्थित घर गए । उनलाई दाङका विभिन्न स्थानमा स्वागत गरिएको थियो ।
