रिहाइ भएपछि महराका पक्षमा लाग्यो यस्तो नारा(फोटो र भिडियोसहित)
काठमाडौं । पूर्वसभामुख कृष्णबहादुर महराले आफू निर्दोष रहेको बताएका छन् । डिल्लीबजार कारागारबाट बाहिरिने क्रममा उनले पत्रकारहरुसँग संक्षिप्त कुरा गर्दै आफू निर्दोष रहेको बताएका हुन् ।
उनले भने, “म निर्दोष छु । अहिले म धेरै बोल्न चाहन्न । अरु कुरा केही दिनमा बोल्नेछु ।” महरालाई कारागारमा सँगै रहेका पूर्वआईजिपी रमेशचन्द ठकुरी र पूर्वडीआईजी रञ्जन कोइरालाले बिदाई गरेका थिए । महरा रिहाई भएपछि समर्थकले महरा सर जिन्दावाद भन्दै नारावाजी गरेका थिए ।
उनको स्वागतका लागि डिल्लीबजार कारागार आसपासमा समर्थकको ठूलो भीड लागेको थियो ।
