ललिता निवास प्रकरणमा प्रधानमन्त्री निर्दोष भन्ने अख्तियारको निर्णय हास्यास्पदः प्रभु साह
काठमाडौं । नेपाल कम्युनिस्ट पार्टीका नेता प्रभु साहले अख्तियार दुरुपयोग अनुसन्धान आयोगको निर्णय हास्यास्पद भएको टिप्पणी गरेका छन् । सामाजिक सजाल फेसबुकमा स्टाटस लेख्दै साहले ललिता निवास जग्गा प्रकरणमा प्रस्तावक मन्त्री दोषी र निर्णयकर्ता प्रधानमन्त्री निर्दोष भन्ने अख्तियारको निर्णय लज्जास्पद भएको टिप्पणी गरेका हुन् ।
‘कार्यकारी सर्वाधिकार प्रधानमन्त्रीमा निहित रहेको प्रधानमन्त्रीय शासन प्रणालीमा सहि वा गलत जुनसुकै कार्यको जिम्मेवारी स्वयं प्रधानमन्त्रीमा हुने कुरा स्पष्ट छ।’ साहले लेखेका छन्, ‘प्रस्तावक मात्र दोषी र निर्णयकर्ता निर्दोष, यो कहाँको न्याय हो ?’
