हामीकहाँ एउटा विमानमै दुई अर्बको कमिशन खोज्ने मन्त्री र कर्मचारी छन्, यसको भविष्य कस्तो होला ?



नारायण गाउँले ।

नेपाल वायुसेवा निगमसँग चीनमा बनेका ६ वटा जहाज छन् । पूर्ण अन्तर्राष्ट्रिय मान्यता नपाएका र निकै खर्चिला ती विमान नकिन्न चौतर्फी दबाबका बाबजुद पनि सरकारी स्तरमा गरिएको निर्णय भनेर जबर्जस्ती छ वटा विमान किनियो । दुई वटा अनुदान र चार वटा चीनसँगै ऋण लिएर ती विमान किनिएको थियो ।

ती छ वटा विमानबाट निगमलाई एक सुका आम्दानी हुनु परको कुरो, बर्सेनि ६० करोड़ भन्दा बढ़ी घाटा भएको रिपोर्ट महालेखा परीक्षकको प्रतिवेदनमैं छ । प्रायः बिग्रिरहने र चाइनिज इन्जिनियरबाहेक अरूले बनाउन नसक्ने हुनाले ती धेरै जसो ग्राउन्डेड नै छन् । सुनिन्छ, अहिले ६ मध्ये एउटामात्र चलिरहेको छ, त्यो पनि घाटामा । ती विमान उडाउन छुट्टै पाइलट चाहिने रहेछ । बीस लाखभन्दा बढ़ी मासिक तलब बुझ्ने दर्जन बढ़ी पाइलट घाम तापेर दिन बिताइरहेको खबर पढ्न पाइन्छ । ल्याइएको धेरै महिना पाइलट नै नभएकाले थन्किएका ती विमान चल्न थालेपछि बिग्रेर थन्किएका हुन् । विदेशी पाइलट काम नै नगरी तलब थाप्ने र काम गर्ने स्वदेशी पाइलटको तलब तिनको भन्दा कम भएको भन्दै केही पाइलटले सामूहिक राजीनामा समेत बुझाएका छन् ।

पहिले मार्केट हेरेर बल्ल लगानी गर्नुपर्नेमा हचुवाको भरमा दुईवटा वाइडबड़ी विमान किनिएपछि त निगम ऋणको भारले थिचिएर उठ्नै नसक्ने बनेको छ । पुरानाले नै गन्तव्य नपाएको अवस्थामा ती नयाँ विमानले झन बढ़ी नोक्सानी भइरहेछ । नागरिक लगानी कोषबाट लिइएको ऋणको किस्ता तिर्न नसकेको खबर पढ्न पाइन्छ । त्यो किन्दा भएको घोटालामा कसैलाई कारबाही भएन ।

निगमसँग अहिले भएका १३ वटा सानाठूला विमानमध्ये आठवटा त ग्राउन्डेड नै रहेछन् । चलेका बाँकी पनि पूर्ण क्षमतामा चलेका छैनन् । निगमले अहिले ९४ जना पाइलटलाई जागीर दिरहेको छ । तर ती प्रायः ग्राउन्डेड विमानका पाइलट रहेछन् ।

नेपाल वायुसेवा निगमको नाममा धेरै नेता, मन्त्री र कर्मचारी करोड़पति भए तर निगम आफै भने धराशायी बन्दै गरेको यस्तो समाचार सुन्दा मन खिन्न हुन्छ । छिमेकमा त्यति चुस्त व्यवस्थापन र बजारका बाबजुद त इण्डियन एयरलाइन्स ऋणमा डुबेर बन्द हुने या बिक्ने अवस्थामा छ भने हामीकहाँ एउटा विमानमैं दुई अर्बको कमिशन खोज्ने मन्त्री र कर्मचारी छन्, यसको भविष्य कस्तो होला ?

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
‘ब्रेक फेल भयो भन्ने सुनें, गाडी यताउता गर्दै गुड्यो, त्यसपछि म त बगरमा पुगेको रहेछु’

अञ्जली थापा, हेटौंडा । बाराको जितपुर—सिमरा उपमहानगरपालिकामा भएको बस दुर्घटनामा १६ जनाको मृत्यु

कस्ता व्यक्तिले निर्वाचनमा उम्मेदवार बन्न पाउँदैन ?

प्रकाश सिलवाल, काठमाडौँ । के तपाईं मङ्सिर ४ गते हुने प्रतिनिधिसभा र प्रदेशसभा

थाइल्यान्डको शिशु स्याहार केन्द्रमा गोली चल्दा २३ बालबालिकासहित ३४ जनाको मृत्यु

थाइल्यान्डको एउटा शिशु स्याहार केन्द्रमा बन्दुकधारीले जथाभावी गोली चलाउँदा कम्तीमा ३४ जनाको ज्यान

तमान गाउँमा जिवीतै छन् कटुवाल र मुखिया प्रथा

ढोरपाटन । एक दशक अगाडिसम्म बागलुङका ग्रामीण भेगमा कटुवाल कराउने प्रथा सञ्चारको उपयुक्त