प्रदेश तीनको नाम बागमती र राजधानी हेटौंडा राख्ने नेकपाको निर्णय
काठमाडौं । सत्तारूढ नेपाल कम्युनिष्ट पार्टीको सचिवालय बैठक कुनै निर्णय नगरी सकिएको छ । आइतबार प्रधानमन्त्रीको निवास बालुवाटारमा बसेको बैठकमा पार्टीको संगठनात्मक अवस्था, राष्ट्रियसभा सदस्य निर्वाचन, पार्टीबाट सभामुखको उम्मेदवार चयनलगायतका विषय छलफल भए पनि बैठकले कुनै निर्णय भने गरेन ।
गतसाता पार्टी स्थायी कमिटीको बैठकले अमेरिकी सरकारद्वारा प्रदान गरिने भनिएको मिलेनियम कर्पोरसन च्यालेञ्ज (एमसीसी) बारे निर्णय गर्ने अधिकार सचिवालयलाई सुम्पेको थियो ।
यसैबीच, सचिवालय बैठकले प्रदेश तीनको नाम बागमती र राजधानी हेटौँडा कायम गर्ने निर्णय लिएको छ । प्रदेश तीनको राजधानीलाई लिएर लामो समयदेखि विवाद रहँदै आएको थियो ।
प्रदेश तीनको राजधानी सुरुमा भक्तपुर हुनुपर्ने माग भएको थियो । हेटौँडा अपायक हुने भन्दै त्यसपछि काभ्रेको बनेपा, धुलिखेलका लागि तीव्र लविङ भएको थियो। नुवाकोटले समेत राजधानी दाबी गर्दै आएको छ ।
