बैतडीका सार्वजनिकस्थलमा धूमपान गरे कारबाही



बैतडी । बैतडीमा गत फागुनदेखि सार्वजनिकस्थलमा धूमपान गर्न निषेध गरिएको छ । जिल्ला प्रशासन कार्यालयको अगुवाईमा जिल्ला प्रहरी कार्यालय बैतडीले यो अभियानलाई थप प्रभावकारी बनाउन विभिन्न कार्यक्रम गरिरहेको छ ।

जिल्ला प्रहरी कार्यालय बैतडीका प्रहरी निरीक्षक प्रहरी प्रवक्ता खेमविक्रम केसीले सचेतना अभिवृद्धि र कारबाही प्रक्रियालाई सँगसँगै अगाडि बढाइएको बताए ।

उनले गत फागुन ११ गतेदेखि हालसम्म सार्वजनिक स्थानमा धूमपान गर्ने २५ जनालाई कारबाही गरिएको जानकारी दिए । उनीहरूबाट जनही  एक सय जरिवानासमेत गरिएको उनले बताए ।

गत माघमा प्रमुख जिल्ला अधिकारी भीमकान्त शर्मालगायत सरोकार भएका निकायका प्रमुख तथा प्रतिनिधिसहितको बैठकले सार्वजनिक स्थानमा धूमपान निषेधका लागि निर्णय गरेअनुसार अभियान अगाडि बढाइएको थियो ।

शुभारम्भमा सचेतनाका लागि प्रचारप्रसार गरी फागुन ११ गतेबाट प्रहरीले कारबाही प्रक्रिया अगाडि बढाएको थियो ।

“लागुऔषध नियन्त्रण तथा सार्वजनिक स्थानमा धूम्रपान निषेधका लागि प्रहरी कार्यालय, मातहतका प्रहरी चौकी, सञ्चार माध्यम सामाजिक सञ्जालबाट प्रचारप्रसार र माइकिङ गरेर सुरुमा सचेतना अभिवृद्धिका लागि कार्यक्रम अगाडि बढाएका थियौँ”, प्रहरी प्रवक्ता केसीले भने,“सार्वजनिक स्थानमा धूम्रपान निषेधपश्चात पनि अटेरी गर्नेलाई कारबाही गरिरहेका छौँ । यो अभियान प्रभावकारी बन्दैगएको छ ।”

सुरूमा धेरैले नराम्रो माने पनि पछिल्लो समय सार्वजनिकस्थलमा खुलारूपमा गर्ने धूमपानले महिला, बालबालिका तथा अन्य व्यक्तिहरूमा पर्ने प्रभावका बारेमा जानकारी दिएपछि अहिले निकै सुधार भएको केसीको भनाइ छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
‘क्यान्सर’  रोग अनुसन्धान केन्द्र सञ्चालनमा ल्याउँदै  काठमाडौँ विश्वविद्यालय

काभ्रे ।  स्वदेशमा नै जटिल प्रकारको ‘क्यान्सर’ रोग पहिचान गर्न काभ्रेको धुलिखेलस्थित काठमाडौँ

औलो रोक्न कडा कदम नचाले लाखौँ मानिसहरूको जीवन खतरामा पर्ने वैज्ञानिकहरूको चेतावनी

अफ्रिकामा औषधि-प्रतिरोधी औलो फैलिइरहँदा तत्काल र कडा कदम नचाले लाखौँ मानिसहरूको जीवन खतरामा

काठमाडौँको ढलमा पोलियो जीवाणु देखिएपछि खोप अभियान संचालन

  काठमाडौँ । काठमाडौँको ढलमा पोलियो जीवाणु (भाइरस) देखिएको छ । स्वास्थ्य सेवा

संघीय अस्पताललाई अतिरिक्त सेवा सञ्चालन गर्न मन्त्रालयको निर्देशन

  काठमाडौँ  । स्वास्थ्य तथा जनसङ्ख्या मन्त्रालयले सङ्घीय अस्पताललाई नियमितबाहेक अतिरिक्त समयमा सेवा