थप १३४ जनामा कोरोना संक्रमण
काठमाडौं । नेपालमा पछिल्लो थप १३४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा १३४ जनामा कोरोना संक्रमण पुष्टि हो । योसँगै नेपालमा हालसम्म कोरोना संक्रमित हुनेको कुल संख्या २ लाख ७२ हजार ३४९ पुगेको छ ।
पछिल्लो २४ घण्टामा ३ हजार ५६७ जनाको पिसिआर परीक्षण भएको छ । पछिल्लो २४ घण्टामा ११८ जना कोरोना संक्रमणमुक्त भएका छन् । योसँगै कोरोना संक्रमणमुक्त हुनेको कुल संख्या २ लाख ६८ हजार ५४९ पुगेको छ । पछिल्लो २४ घण्टामा कोरोनाबाट कसैको पनि मृत्यु नभएको मन्त्रालयले जनाएको छ । क्वारेन्टाइनमा ८८ जना छन् भने आइसोलेसनमा १७५३ जना सक्रिय संक्रमित रहेका छन् ।
