विश्व पर्यटन दिवसको पोखरामा तयारी



 

गण्डकी । पर्यटकीय नगरी पोखरामा ४४औँ विश्व पर्यटन दिवस (सेप्टेम्बर २७) लाई भव्य रुपमा मनाउने तयारी गरिएको छ । आइतबार आयोजित पत्रकार सम्मेलनमा पोखरा पर्यटन परिषद्का अध्यक्ष पोमनारायण श्रेष्ठले कोरोना महामारीका कारण सुस्ताएको पर्यटनलाई चलायमान बनाउने लक्ष्यका साथ विभिन्न कार्यक्रम गरी विश्व पर्यटन दिवस मनाउन लागिएको जानकारी गराए ।

पोखरा पर्यटन परिषद्को आयोजना एवम् गण्डकी प्रदेशको उद्योग, पर्यटन, बन तथा वातावरण मन्त्रालय, पोखरा महानगरपालिका र नेपाल पर्यटन बोर्डको प्रवर्द्धनमा कार्यक्रम गर्न लागिएको उनले बताए ।

कार्यक्रमकै अवसरमा मित्रराष्ट्र भारतबाट भारतीय टुर अपरेटर र भारतीय सञ्चारकर्मीहरू पोखरा आउन लागेको जानकारी दिँदै उनले दिवसका अवसरमा विशेष अतिथिका रुपमा भारतीय राजदूत नवीन श्रीवास्तव आउने बताए ।

“पोखराको पर्यटनका सम्बन्धमा भारतीय टुर अपरेटर र नेपाली टुर अपरेटर एवम् सञ्चारकर्मीबीच अन्तरक्रियासमेत गरिनेछ”, उनले भने ।

दिवसका पूर्वसन्ध्यामा २६ सेप्टेम्बरमा टेकिङ एजेन्सिज एसोसिएसन अफ नेपाल (टान) गण्डकीको आयोजनामा पोखराको मार्गीदेखि पुम्दीकोटसम्मको गन्तव्य पहिचान, प्रवद्र्धन एवम् एक दिवसीय पदयात्रा कार्यक्रम गर्न लागिएको टान गण्डकीका अध्यक्ष धर्मराज पन्थीले जानकारी दिए ।

मार्कीबाट पर्यटन व्यवसायी, स्वदेशी एवम् विदेशी पर्यटकसहित करिब एक सय ५० जनाको टोलीले सिम्ले, पात्ले हुँदै पुम्दीकोटसम्म पदयात्रा गर्ने उनले बताए । दिवसका दिन रेष्टुरेन्ट एन्ड बार एसोसिएसन (रेवान) पोखराको आयोजनामा बाराहीचोकदेखि खहरे चोकसम्म साँझ ५ बजेदेखि मिनी सडक महोत्सव आयोजना गरिनेछ ।

‘सडकमै खाऔँ, सडकमै रमाऔँ’ भन्ने नाराका साथ आयोजित महोत्सवले स्वदेशी एवम् विदेशी पर्यटकलाई पोखरा भित्राउन महत्वपूर्ण योगदान गर्ने विश्वास लिइएको छ ।

उक्त दिन नाट्टा गण्डकी प्रदेशको आयोजनामा पोखरा पर्यटन बसपार्कमा वृक्षारोपण तथा रक्तदान कार्यक्रम गरिने छ । उक्त दिन पोखरामा क्रियाशील पर्यटन सम्बद्ध सङ्घसंस्थाको आयोजनामा पोखरा अन्तराष्ट्रिय विमानस्थल तथा पोखरा पर्यटन बसपार्कमा पहिलो आउने पर्यटकलाई स्वागत गर्ने कार्यक्रम रहेको परिषद्का अध्यक्ष श्रेष्ठले जानकारी दिए ।

गण्डकी प्रदेशका उद्योग, पर्यटन, वन तथा वातावरण मन्त्रालयका सचिव कुमानसिंह गुरुङले विश्व पर्यटन दिवसलाई प्रदेशका ११ वटै जिल्लामा मनाउन लागिएको जानकारी गराए ।

 

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
शेयर बजार १० अंकले गिरावट

  काठमाडौँ ।  यो साता कारोबारको लगातार तेस्रो दिन आज पनि नेपाल स्टक

गौतमबुद्ध अन्तर्रास्ट्रिय विमानस्थलबाट उडान नियमित गर्न व्यवसायीको माग

काठमाडौँ । भैरहवास्थित गौतमबुद्ध अन्तर्रास्ट्रिय विमानस्थलबाट अन्तर्राष्ट्रिय उडानलाई नियमित गराउन माग गरिएको छ

पाँच आयोजना अलपत्र पार्ने ठेकेदार कालोसूचीमा

काठमाडौँ । विभिन्न पाँच वटा निकाय अन्तर्गतका काम अलपत्र पार्ने निर्माण व्यवसायी र

एकैदिन तोलामा २४ सयले घट्यो सुनको मूल्य

काठमाडौं । मंगलबार नेपाली बजारमा सुनको भाउ तोलामै २ हजार चार सय रुपैयाँले