चुलिँदो व्यापार घाटाप्रति राष्ट्रपति चिन्तित



काठमाडौं । राष्ट्रपति विद्यादेवी भण्डारीसमक्ष नेपाल उद्योग वाणिज्य महासङ्घका नवनिर्वाचित पदाधिकारीहरुले भेट गरेका छन् । राष्ट्रपति कार्यालय शीतलनिवासमा आइतबार भएको भेटका अवसरमा राष्ट्रपतिले महासङ्घको नवनिर्वाचित पदाधिकारीलाई बधाई दिँदै सफल कार्यकालको सफलताका लागि शुभकामना दिनुभएको महासङ्घले जारी गरेको प्रेस नोटमा उल्लेख छ ।

राष्ट्रपतिले महासङ्घको वर्तमान युवा नेतृत्वलाई उद्योग व्यवसायको विकासमार्फत रोजगारी सिर्जना, आत्मनिर्भर अर्थतन्त्र निर्माणमा लाग्न सुझाव दिइन् । “हामीसँग पर्याप्त सम्भावना भएर पनि हामी पछि परेका छौँ, प्राकृतिक स्रोत साधनमा हामी धनी छौँ, बजारका लागि कुनै समस्या छैन, तैपनि पर्याप्त लगानी आउन सकेको छैन, अहिले पनि हामी अरूकै भर पर्नुपर्ने परिस्थिति रहेको छ’’, राष्ट्रपतिले भनिन्, “रोजगारीका लागि बाध्य भएर बाहिर जानुपर्ने परिस्थितिलाई कसरी अन्त्य गर्न सकिन्छ यसमा तपाईंहरू गम्भीर भएर लाग्नुहोस् ।”

चुलिँदो व्यापार घाटाप्रति पनि राष्ट्रपतिले चिन्ता व्यक्त गर्नुभएको महासङ्घले प्रेस नोटमा जनाइएको छ । “हर कुरामा हामी बाह्य देशसँग निर्भर रहनुपर्ने अवस्था छ र यो अवस्थालाई कसरी ब्रेक गरी आफ्ना लागि आवश्यक वस्तु आफैँ उत्पादन गर्न सक्छौँ त्यसमा सिङ्गो मुलुक नै गम्भीर हुन जरुरी छ”, राष्ट्रपति भण्डारीले भनिन् । स्वदेशी लगानी आकर्षण गर्नेतर्फ राज्यको प्रमुख प्राथमिकता हुनुपर्ने बताउँदै त्यसो भएमात्र बाह्य लगानीसमेत आकर्षित हुने हुँदा कृषि, ऊर्जा, पर्यटन क्षेत्रको विकासमार्फत आत्मनिर्भर अर्थतन्त्र निर्माणमा सरकार निजी क्षेत्र सहकार्यमा राष्ट्रपतिले जोड दिएकी थिइन् ।

अध्यक्ष शेखर गोल्छाको नेतृत्वमा निवर्तमान अध्यक्ष भवानी राणा, वरिष्ठ उपाध्यक्ष चन्द्रप्रसाद ढकाल, उपाध्यक्षहरू दिनेश श्रेष्ठ, अञ्जन श्रेष्ठ, रामचन्द्र सङ्घई र कोषाध्यक्ष सुकुन्तलाल हिराचनसहितको पदाधिकारी प्रतिनिधिमण्डलले राष्ट्रपतिसमक्ष महासङ्घको नयाँ नेतृत्वले निजी क्षेत्र र समुन्नत मुलुक निर्माणका लागि विशेष लक्ष्यसहितको ‘भिजन पेपर’को तयारीमा लागेको जानकारी गराएको थियो । अध्यक्ष गोल्छाले लाखाँै युवा बेरोजगार रहेको र उनीहरूको व्यवस्थापन यतिखेर मुलुककै लागि चुनौती रहेको सन्दर्भमा महासङ्घको भिजन पेपरले वार्षिक चार लाख युवाका लागि रोजगारी सिर्जना गर्ने र दोहोरो अङ्कको आर्थिक वृद्धिको लक्ष्य लिएको स्पष्ट पारे ।

उनले साना तथा मझौला उद्यमलाई कोभिड–१९ को प्रभावबाट बाहिर ल्याउन सबैभन्दा बढी सहयोग आवश्यक हुने भन्दै यसका लागि पुनरोत्थान विशेष कार्यक्रमको खाँचो औँल्याए । मझौला व्यवसाय चल्न सके भने ठूला उद्योग स्वतः चल्ने हुँदा सरकार तथा राष्ट्र बैंकले ल्याएका राहतका कार्यक्रमको प्रभावकारी कार्यान्वयन निजी क्षेत्रले खोजेको बताए । उनले कोभिडका कारण मुलुकको आर्थिक वृद्धिदर एक प्रतिशतभन्दा कम हुने प्रक्षेपण भइरहेको सन्दर्भमा समग्र अर्थतन्त्रलाई थप बिग्रन नदिन सरकार र निजी क्षेत्रबीचको सहकार्य अपरिहार्य रहेकामा जोड दिए ।

भेटमा महासङ्घका पदाधिकारीले अहिलेको सङ्कटको अवस्थामा तुलनात्मक लाभका क्षेत्रहरू जस्तो कृषि, पर्यटन, पूर्वाधार निर्माण, ऊर्जालगायत क्षेत्रसँग जोडिएका राष्ट्रिय गौरवका आयोजनाहरू छिटो सम्पन्न गर्न पहल हुनुपर्नेमा जोड दिए । मुलुकभित्र उपलब्ध प्राकृतिक स्रोत साधनको समुचित विकासमार्फत आर्थिक विकास, रोजगारी सिर्जनामा सरकारको ध्यान जानुपर्ने, संस्थागत सोचअनुरुप विकासका कार्यक्रम अगाडि बढाइनुपर्ने, लगानी सुरक्षा र नीतिगत स्थायित्वलगायत विषयमा जोड दिए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
लोकतान्त्रिक अभ्यासमा प्रहार गर्न बोलाइएको संवैधानिक परिषद्को बैठकमा भाग नलिन परिषदका अन्य सदस्यलाई देउवाको आग्रह

काठमाडौँ । नेपाली कांग्रेसका सभापति शेरबहादुर देउवाले प्रधानमन्त्री केपी शर्मा ओलीले आइतबारका लागि

पर्यटन क्षेत्रलाई सङ्कटग्रस्त घोषणा गर्न पोखराका पर्यटन व्यवसायीको माग

पोखरा । कोभिड–१९ को महामारीले पर्यटन क्षेत्र नराम्ररी प्रभावित भएको जनाउँदै यस क्षेत्रका

पर्वतमा कांग्रेसको पार्टी कार्यालयलाई कोभिड अस्पताल बनाईँदै

पर्वत । नेपाली कांग्रेस पर्वतको पार्टी कार्यालय भवनलाई कोभिड अस्पताल बनाइने भएको छ

प्रधानमन्त्रीले बोलाए मन्त्रिपरिषद बैठक

काठमाडौं । प्रधानमन्त्री केपी शर्मा ओलीले आज साँझ मन्त्रिपरिषदको आकस्मिक बैठक बोलाएका छन्