ब्रोकर कमिसन घटाउन माग गर्दै धितोपत्र बोर्ड घेराउ,०.२५ प्रतिशत कायम गर्न माग
काठमाडौं। लगानीकर्ता तथा संगठनका प्रतिनिधिहरुले सेयर ब्रोकर कमिसन घटाउन नेपाल धितोपत्र बोर्डसँग माग गरेका छन्।
ब्रोकर कमिसन घटाउन माग गर्दै उनीहरुले नेपाल धितोपत्र बोर्ड घेराउ गरेका हुन्। सेयर लगानीकर्ताहरुले शून्य दशमलब २५ प्रतिशत मात्रै ब्रोकर कमिसनको व्यवस्था गर्न माग गरेको छन् । नेपाल इन्भेष्टर्स फोरम, सेयर लगानीकर्ता संघ, पुँजीबजार लगानीकर्ता संघ, पुँजीबजार संघ र सेयर लगानीकर्ता दबाब समूहले बोर्ड घेराउ गरेका हुन् ।
सरकारसँग भएको ब्रोकर कमिसन पुनरावलोकन गर्ने सम्झौता कार्यान्वयनमा लैजान उनीहरुले बोर्डको ध्यानाकर्षण गराएका हुन् ।
ब्रोकर कमिशन कायम गर्ने कार्य शिघ्र कार्यान्वयनमा ल्याउन लगानीकर्ताहरुले अनुरोध समेत गरेका छन्।