सुन तोलाको १२ सय रुपैयाँले घट्यो
काठमाडौं । नेपाली बजारमा सुनको मूल्य घट्न थालेको छ । पछिल्लो दुई दिन लगातार ओरालो लागेको सुनको मूल्य बिहीबार पनि तोलाको १२ सय रुपैयाँले घटेको हो ।
सुनको मूल्य मंगलबार १७ सय र बुधबार १२ सयले घटेको थियो । बिहीबार घटेर सुन प्रतितोला ९३ हजार १ सय रुपैयाँ कायम भएको छ । नेपाल सुनचाँदी व्यवसायी महासंघका अनुसार तीन दिनमा ४१ सय रुपैयाँले सस्तिएको हो ।
छापावाल सुनको मूल्य घट्दा बिहीबार तेजाबी सुन पनि १२ सय रुपैयाँले नै सस्तो बनेको छ । यस्तै चाँदीको भाउ प्रतितोला ७० रुपैयाँले घटेर प्रतितोला ११ सय २० रुपैयाँ कायम भएको छ ।
चाँदी मंगलबार ९० रुपैयाँ सस्तो बनेको थियो भने बुधबार ४० रुपैयाँले घटेको थियो । चाँदी तीन दिनमा दुई सय रुपैयाँ सस्तो बनेको छ ।