सूचना चुहावट गरेको आरोप निराधारः अर्थमन्त्री



काठमाडौं । अर्थमन्त्री डा. युवराज खतिवडाले कर बढाउनु पहिले सूचना चुहावट गरेको भन्ने आरोप निराधार भएको स्पष्ट पारेका छन् । प्रतिनिधिसभाको बुधबारको बैठकमा आर्थिक बिधेयकमाथिको छलफलमा उठेका प्रश्नको जवाफ दिदै अर्थमन्त्रीले बजेट अघि नै विद्युतीय सवारी साधानको भन्सार दरको सूचना अर्थमन्त्रालयबाट नचुहिएको दाबी गर्दै इमान्दारिताको परीक्षा भइरहेको बताए ।

२० वर्षे लामो व्यावसायिक र राजनीतिक जीवनमा कुनै व्यावसायिक घरानाका लागि काम नगरेको र आगामी दिनमा पनि नगर्ने उनले बताए । उनले बजेट अघि विद्युतीय सवारी साधनको करको दर नचुहिएको बताउँदै समिति गठन गरेरै छानबिन गर्न आग्रह समेत गरे ।

खतिवडाले जेठ १ देखि १४ गतेसम्म ७५ वटा गाडी आयात भएको र १४ गते २ गाडीमात्र भन्सार पास भएकाले उक्त आरोप भ्रम भएको बताए । बैठकले “आर्थिक विधेयक, २०७७ माथि विचार गरियोस्” भनी प्रस्ताव प्रस्तुत गरेका थिए । त्यस्तै “राष्ट्र ऋण उठाउने विधेयक, २०७७ र “ऋण तथा जमानत (चौबीसौं संशोधन) विधेयक, २०७७ माथि विचार गरियोस्” भनी प्रस्तावलाई पनि बैठकले स्वीकृत गरेको छ ।

बैठकमा कानुन, न्याय तथा संसदीय मामिला मन्त्री डा शिवमाया तुम्वाहाङफेले “केही अध्यादेश खारेज गरी नेपाल ऐनको साविकको व्यवस्था जगाउन बनेको अध्यादेशलाई प्रतिस्थापन गर्ने विधेयक, २०७७ माथि विचार गरियोस्” भनी प्रस्तुत गरेको प्रस्तावलाई पनि स्वीकृत गरेको छ । प्रतिनिधिसभाको अर्को बैठक जेठ ३१ गते शनिबार बोलाइएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
राजस्व छली गरेको अभियोगमा मोबाइल सेन्टर संचालकविरुद्ध मुद्दा दायर

काठमाडौं । राजस्व अनुसन्धान विभागले मोबाइल पसलबाट राजस्व छली गरेको अभियोगमा सिद्धार्थनगर नगरपालिका–९

बैंकलाई सामाजिक सुरक्षा कोषमा आवद्ध हुन दबाब नदिन सर्वोच्चको अन्तरिम आदेश

काठमाडौँ । सर्वोच्च अदालतले बैंकहरूलाई सामाजिक सुरक्षा कोषमा आबद्ध हुन दबाब नदिन अन्तरिम

सहकारी बैंकको चेक क्लियरिङ नहुने नियम खारेज गर्ने अर्थमन्त्रीको प्रतिवद्धता

काठमाडौं । अर्थमन्त्री जनार्दन शर्माले सहकारी बैंकका चेक क्लियरिङ नहुने समस्या अन्त्य हुने

सप्तरीमा शतप्रतिशत धान रोपाइँ

राजविराज । यस वर्ष मनसुन छिटै सक्रिय भई निरन्तर वर्षा जारी भएपछि सप्तरीमा