भन्सार दिवसमा भिसिटिएस सम्बन्धि प्रशिक्षण
काठमाडौं । ६८ औं भन्सार दिवसको अवसरमा भन्सार कर तथा भिसिटिएस सम्बन्धि प्रशिक्षण कार्यक्रम गरिएको छ । नाडा अटोमोबाइल्स एसोसिएसन अफ नेपालले भन्सार दिवसको अवसरमा प्रशिक्षण कार्यक्रमको आयोजना गरिएको हो । प्रशिक्षणबाट सम्पूर्ण व्यवसायीहरुलाई सहयोग पुग्ने नाडाका अध्यक्ष कृष्ण दुलालले बताए ।
सातवटै प्रदेशमा संस्थागत सदस्यहरुमार्फत प्रशिक्षण कार्यक्रम अघि बढाउने लक्ष्य नाडाले लिएको छ । अध्यक्ष दुललाले अहिलेको मुख्य माग भनेको सन्दर्भ मूल्य हटाएर व्यवसायीले स्वघोषणा गरिएको मूल्य कायम हुनुपर्ने बताए ।
भन्सार विभागका महानिर्देशक सुमन दाहालले भन्सारसँग आमनागरिकको साक्षात्कार हुन नसकेको बताए । भन्सार विभागले यो वर्षदेखि मालवस्तुहरुको सही घोषणा अभियान सुरु गर्ने भएको छ । सही घोषणा गर्ने पहिलो अधिकार व्यवसायी र पैठारीकर्ताको भएको बताउँदै महानिर्देशक दाहालले पैठारीकर्ता आफंै वा एजेन्टमार्फत त्यसको जवाफ दिनुपर्ने बताए ।
