बुढानीलकण्ठ बिजनेस बचत तथा ऋण सहकारी संस्थाको नयाँ संचालक समितिको नेतृत्वमा लावती



काठमाडौं । बुढानीलकण्ठ बिजनेस बचत तथा ऋण सहकारी संस्था (बीबीसी) ले नयाँ नेतृत्व चयन गरेको छ ।

बुढानीलकण्ठ स्कूलका भूतपूर्व विधार्थाहरुले संचालन गरेको सहकारी संस्था, बीबीसीको शनिबार काठमाडौंमा सम्पन्न दशौं साधारण सभाले सगुन सुन्दर लावतीको नेतृत्वमा नयाँ संचालक समिति निर्वाचित गरेको हो ।

संस्थागत जिम्मेवारीलाई मन, वचन र कर्मले पूरा गर्ने वचनवद्धता व्यक्त गर्दै नवनिर्वाचित अध्यक्ष लावतीले भने, ‘सहकारी सिद्धान्त अनुरुप सामूहिक उर्जालाई केन्द्रबिन्दूमा राखेर बीबीसीलाई नयाँ उचाईमा पुर्याउनेछौं । अनुशासन र पारदर्शीतालाई मूलमन्त्र मानेर आर्थिक परीचालनका साथसाथै अन्य अवसर र संभावनाका खोजी गर्नेछौं ।’

संचालक समितिमा उपाध्यक्ष राकेश वैद्य, सचिव बोलाराम पाण्डे, कोषाध्यक्ष अनुप लाल मानन्धर, सदस्यहरुमा हेमेन्द्र बोहरा, इन्द्र रबी श्रेष्ठ र दिपराज सन्याल निर्वाचित भएका छन् ।

दशौं साधारण सभालाई सम्बोधन गर्दै कामपा, वडा नं २२ का अध्यक्ष चिनकाजी महर्जनले सहकारी आन्दोलनको आदर्श अनुरुप आर्थिक विकासको प्रचुर संभावनालाई उपयोग गर्न बीबीसीलाई शुभकामना दिए । ‘केवल ऋण र असुली मात्र नभएर, सहकारीको मूल मर्म ध्यानमा लिएर सहकार्यका अन्य क्षेत्रमा समेत क्रियाशील रहनु वाञ्छनीय हुनेछ,’ उनले भने ।

बुढानीलकण्ठ स्कूलका भूतपूर्व विधार्थीहरुको संगठन, सेब्सका अध्यक्ष राष्ट्रभूषण खड्काले बीबीसीले समग्र समाज र बुढानीलकण्ठ स्कूलका भूतपूर्व विधार्थीहरुको आवश्यकता र आकांक्षालाई प्रभावकारी रुपमा सम्बोधन गर्दै जानेछ भन्ने आशा व्यक्त गरे ।

साधारण सभाले सुजन ध्वज जोशीको संयोजकत्वमा लेखा समिति समेत चयन गरेको छ । लेखा समितिका सदस्यहरुमा ज्ञोनन्द्र राज पाण्डे र विजय माली रहेका छन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
विद्यालय चलाउन अदुवाखेती

रोल्पा । विद्यालय चलाउन अदुवाखेती गरेको यहाँ एक सामुदायिक विद्यालयले उत्पादित अदुवा बिक्री

श्रम क्षेत्रका समस्या समाधान गर्न वरिष्ठ उपाध्यक्ष ढकालको आग्रह

काठमाडौँ । नेपाल उद्योग वाणिज्य महासंघका वरिष्ठ उपाध्यक्ष चन्द्रप्रसाद ढकालले योगदानमा आधारित सामाजिक

स्याङ्जामा सुन्तला सुपरजोनको क्षेत्र विस्तार

स्याङ्जा। स्याङ्जा जिल्लाको केही भेगमा सञ्चालित प्रधानमन्त्री कृषि आधुनिकीकरण परियोजना कार्यान्वयन इकाइ सुन्तला

राष्ट्र बैंकले चाँदी आयातमा कडाई गर्ने

काठमाडौं । नेपाल राष्ट्र बैंकले चाँदी आयातमा भइरहेको वृद्धिलाई रोक्ने कङ्केत गरेको छ