पेट्रोल र डिजेलमा दुई/दुई रुपैयाँ मूल्य वृद्धि
काठमाडौं । अन्तर्राष्ट्रिय बजारमा मूल्य वृद्धि भएपछि नेपाल आयल निगमले सोमबार मध्यरातिदेखि लागू हुने गरी पेट्रोल र डिजेलमा प्रतिलिटर दुई रुपैयाँ मूल्यवृद्धि गरेको छ ।
अन्तर्राष्ट्रिय बजारमा मूल्य बढ्दासमेत गत चार महिनायता मूल्य समायोजन नगरेको निगमले सोमबार वृद्धि गरेको निगमका कार्यकारी निर्देशक सुरेन्द्रकुमार पौडेलले जानकारी दिए ।
उनले आफूहरुले दशैँ, तिहार छठलगायत चाडपर्वका अवसरमा अन्तर्राष्ट्रिय जगतमा मूल्य वृद्धि भए पनि पुरानै मूल्य कायम गरिएको बताउँदै नयाँ मूल्यदरबाट हाल भारतीय सीमामा प्रतिलिटर २० मूल्यान्तर रहेकामा १८ रुपैयाा मूल्यान्तर हुने जनाए । हाल पेट्रोलका प्रतिलिटर १०७ रुपैयाँ र डिजेल ९५ रुपैयाँ थियो । उक्त मूल्य गत साउन २२ गते निर्धारण गरिएको थियो ।
