पर्यटन वर्षलाई लक्षित गरी एक हजार ट्याक्सी चालकलाई यात्रुमैत्री व्यवहार तालिम
काठमाडौं । नेपाल पर्यटन तथा होटल व्यवस्थापन प्रतिष्ठान (नाथम)ले ट्याक्सी चालकहरुलाई पर्यटन तथा यात्रुमैत्री व्यवहार तालिम दिएको छ ।
नेपाल भ्रमण वर्ष २०२० को सन्दर्भमा सार्वजनिक सवारी सवारीसाधन चालकहरुले पर्यटकसँग गर्ने व्यवहारमा थप सुधार ल्याउने उद्देश्यले एक हजार ट्याक्सी चालकलाई तालिम दिएको नाथमले जनाएको छ।
सोमबार काठमाडौंमा आयोजित तालिम कार्यक्रमलाई सम्बोधन गर्दै संस्कृति पर्यटन तथा नागरिक उड्डयन मन्त्री योगेश भट्टराईले ट्याक्सी चालकहरुको राम्रो व्यवहारले पर्यटकको संख्यामा वृद्धि हुने बताए । सरकारले २०२० मा २० लाख पर्यटक भित्राउने लक्ष्य पुरा गर्न विभिन्न कार्यक्रमहरु गर्दै आएको छ ।
