अनुजाको निर्देशनमा ‘ठिकै छ मेरी प्रिय’
काठमाडौं । ड्रागन मोसन पिक्चरको प्रस्तुती रहेको नयाँ गीतको भिडियो ‘ठिकै छ मेरी प्रिय’सार्वजनिक भएको छ ।
अनुजा बरालको निर्देशनमा तयार भएको यो भिडियोले प्रेम, पीडा र द्वन्द्वको कथा प्रस्तुत गरेको छ । गीतको भिडियोमा गुरु वशिष्ठ, प्रेम परियार र श्रीतिका श्रेष्ठको अभिनय रहेको छ भने गीतलाई गुरु वशिष्ठले नै गाएका छन् ।
गीतको शब्द शेखर थापाको र संगीत दिवेश राईको रहेको छ । भिडियोमा सत्यम रानाको दृश्य प्रविधि (भीएफएक्स) सम्हालेका छन् भने राजेन्द्र मोक्तानले रंग संयोजन र सारथी थापाले छायाँकन गरेका छन् । गीतको भिडियोलाई सर्वेश शाहले सम्पादन गरेका छन् ।
