‘मस्त जवानी’ मा प्रेमील जोडीले रोमान्स

काठमाडौं । गायक प्रताप दास र गायिका रोजिना बस्नेतको ‘मस्त जवानी’ बोलको गीतको म्युजिक भिडियो सार्वजनिक गरिएको छ । समाजसेवी भोलानाथ पाठकको शब्द सिर्जना रहेको गीतमा मनोहर सुनामको एरेन्ज तथा संगीत छ ।

एक प्रेमील जोडीको प्रेम र रोमान्सलाई कृष्णदेव रुपाखेतीले निर्देशन गरेका हुन्। भिडियोमा निर्देशक रुपाखेतीले वैँशालु उमेरमा एक प्रेमील जोडीले रोमान्स गर्दै बिताउने रमाइला पललाई रोमान्टिक शैलीमा कैद गरेका छन् । भिडियोको छायाँकन उत्सव दाहालले गरेका हुन् भने सम्पादन मीन रावलले गरेका हुन् ।