यस्तो छ ‘काँडेतार’ को ट्रेलर
काठमाडौं । नवल खड्काको अभिनय र निर्देशन रहेको फिल्म ‘काँडेतार’को ट्रेलर मंगलबार सार्वजनिक गरिएको छ । फिल्म यही फागुन २५ गते रिलिज हुँदैछ । नेपालको सीमामा भारतले हस्तक्षेप गरेको विषय समेटिएको फिल्मको ट्रेलरमा सीमामा काँडेतार लगाउनुपर्ने मुद्दा उठान गरिएको छ ।
ट्रेलरमा खड्कासहित गौरव पहारी, सुरविना कार्की, रेविका गुरुङ, प्रशान्त यादव, मुरलीधर, प्रेम सुब्बा लगायतका कलाकार फिचर्ड छन् । फिल्मले चलचित्र विकास बोर्डबाट १० लाख रुपैंयाँ प्रोत्साहन शुल्क पाइसकेको छ । सामना फिल्मस् प्रालिको ब्यानरमा मकिको राई, अञ्जु केसी, नादिया खड्का र सानिया खड्काले निर्माण गरेको फिल्ममा सत्यकला राई कार्यकारी निर्मात्री छिन् ।
