मेलिना र कृष्णको ‘चट्ट मायालु’
काठमाडौं । गायिका मेलिना राई र गायक कृष्ण काफ्लेको स्वरको नयाँ गीत ‘चट्ट मायालु’ सार्वजनिक भएको छ। रविमान सिंह बस्न्यातको शब्द, टीका बम्जनको संगीत रहेको गीतको एरेन्ज फणीन्द्र राईले गरेका हुन् ।
गीतमा प्रेमीले प्रेमिकाको सौन्दर्यको वर्णन गरेका छन् भने प्रेमिकाले प्रेमीलाई ह्यान्डसम भनेर प्रशंसा गरेकी छन्। गीतमा अभिनेता आकाश श्रेष्ठ, पुष्पबहादुर खड्का, जीवन गिरीको साथमा मोडल सकी इटानीले अभिनय गरेकी छन् ।
