फिल्म ‘जय हो’ निर्माण हुने
काठमाडौं । फिल्म जय हो निर्माण घोषणा गरिएको छ । आगामी माघबाट छायांकनको तयारीमा रहेको फिल्म तिहारको अवसर पारेर निर्माण घोषणा गरिएको हो ।
सलोन सलिना फिल्मस्को व्यानरमा निर्माण हुने फिल्मको प्रस्ततुकर्तामा शोभित बस्नेत रहने छन् । निर्माण टिमका अनुसार फिल्ममा सलोन बस्नेत फाइनल भएका छन् भने अर्को एक अभिनेता र अभिनेतृ पनि रहने छन् ।
निर्माण टिमका अनुसार फिल्ममा नाम चलेका कलाकार नै साइन गर्ने तयारी भैरहेको छ । हालसम्म फिल्मको निर्देशक पनि फाइनल गरिएको छैन । सुरेश न्यौपानेले कथा लेखिरहेको फिल्ममा पछिल्लो समयका चर्चित निर्देशकनै लिने सोच निर्माण टिमको छ ।
फिल्मलाई राज के अधिकारी र सुरज सरकारले निर्माण गर्नेछन् । उनीहरु अष्ट्रेलियाको जय हो बिजनेश ग्रुप र सनराइज ग्रुप अष्ट्रेलिया रकडेलका सञ्चालक हुन् ।
एक्सन लभस्टोरी कथामा निर्माण हुने फिल्मको एक गीतमा शम्भुजित बास्कोटाको संगीत रहनेछ। अन्य गीतमा संगीतकार फाइनल हुन बाकी रहेको छ ।
फिल्म काठमाडौं, पोखरा र मुस्ताङमा छायाँकन गरिनेछ । नेपालको छायाँकन सकिएपछि फिल्मको केही प्रतिशत छायाँकन अष्ट्रेलियामा पनि गरिनेछ ।
