चुम्बन प्रकरणमा अभिनेतृ शिल्पा सेट्टीलाई १५ वर्षपछि सफाइ



भारतको एउटा अदालतले बलिउड अभिनेतृ शिल्पा सेट्टीलाई चुम्बनसम्बन्धी एउटा मुद्दामा १५ वर्षपछि सफाइ दिएको छ । हलिउड अभिनेता रिचर्ड गेरले एउटा सार्वजनिक मञ्चमा चुम्बन गरेपछि त्यसबाट अश्लीलता फैलिएको आरोप अभिनेतृ शेट्टीमाथि लगाइएको थियो ।

सन् २००७ मा दिल्लीमा एड्ससम्बन्धी जनचेतना कार्यक्रमका क्रममा ती हलिउड स्टारले अभिनेतृ सेट्टीको गालामा चुम्बन गरेको भिडियो सार्वजनिक भएको थियो । अनावश्यक कुराको सिकार भएको भन्दै अदालतले सेट्टीमाथि लगाइएका आरोपलाई अहिले आधारहीन भनेको छ ।

त्यसबेला कट्टरपन्थी हिन्दू समूहहरूले अभिनेतृ सेट्टीलाई गरिएको चुम्बनबाट भारतीय मूल्यमान्यताको अपमान भएको बताउँदै विरोध प्रदर्शनहरू गरेका थिए ।

झन्डै १५ वर्षअघि अभिनेता गेरले भारतको राजधानी दिल्लीमा अभिनेतृ सेट्टीलाई अङ्कमाल गर्दै उनको गालामा चुम्बन गरेका थिए। पछि उनले त्यसका लागि क्षमायाचना गरेका थिए ।

चुम्बनबाट एचआईभी सर्दैन भन्ने सन्देश दिन आफूले त्यसो गरेको उनले स्पष्ट पनि पारेका थिए । घटनापछि अभिनेता गेरविरुद्ध जारी गरिएको पक्राउपुर्जी सर्वोच्च अदालतले तत्कालै खारेज गरिदिएको थियो ।

तर भारतको अदालती प्रक्रियामा लामो समय चक्कर लगाएपछि गतसाता मात्रै सोही चुम्बन प्रकरणलाई लिएर लगाइएका आरोप मुम्बईमा खारेज भएको हो । सन् २००७ मा शिल्पा सेट्टी भारतबाहिर पनि चर्चामा आएकी थिइन् । त्यतिबेला उनी बेलायतको टेलिभिजन रियालिटी शो ’सेलिब्रिटी बिग ब्रदर’ मा सहभागी भएकी थिइन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
दक्षिण कोरियामा कोरोना संक्रमणबाट एकैदिन २७ जनाको मृत्यु

दक्षिण कोरियामा कोभिड १९ को संक्रमणबाट एकैदिन ३५ हजार जनाभन्दा बढी संक्रमित भएको

तालिवानद्वारा अफगानिस्तानको मानवअधिकार आयोग विघटन

अफगानिस्तानमा मानवअधिकारको गम्भीर अवस्थाको बारेमा बढ्दो चिन्ताको बीचमा तालिवानले मानव अधिकार आयोगलाई विघटन

दिल्लीस्थित एक भवनमा आगलागी हुँदा कम्तीमा २७ जनाको मृत्यु

भारतको दिल्लीस्थित एक कार्यालय भवनमा आगलागी हुँदा कम्तीमा २७ जनाको मृत्यु भएको छ

युएईका राष्ट्रपति शेख खलिफाको निधन

संयुक्त अरब इमिरेट्स (यूएई)का राष्ट्रपति तथा अबु धाबीका शासक सेख खलिफा बिन जायेद