कराप रुम्बाको “पर्देशीको जीवन” सार्वजनिक
काठमाडौं । गायक कराप रुम्बाको “पर्देशीको जीवन” बोलको गीत सार्वजनिक भएको छ ।
पर्देशीको कथा व्यथा समेटिएको गीतमा गायक तथा संगीतकार छेडुप मोक्तानको संगीत रहेको छ भने स्वर र शब्द रुम्बा कै रहेको छ । भिडियोमा गायक करापको अभिनय देख्न सकिन्छ भने भिडियोलाई ज्ञान लामाले छायांकन गरेका हुन् भने सम्पादन सुकदेव राईले गरेका छन् ।
हाल दक्षिण कोरियामा वैदेशिक रोजगारीका क्रममा रहेका गायक रुम्बाको यस गीतले देश छोडेर पर्देशमा श्रम गरिरहेका नेपालीहरुको कथा व्यथालाई उजागर गर्न खोजेको छ । आफ्नो घरगाउँ, साथीसंगी, चाडपर्व, ती लेकबेशी गर्दा भोगेका सुखदुःख अनि हर्षोल्लास्को न्यास्रो लागिरहने पर्देशीहरुको भावनालाई यस गीतले प्रतिविम्बित गरेको छ ।
कराप रुम्बाको आफ्नै युटुब च्यानल बाट सार्वजनिक गरिएको गीतको संगीत संयोजन भने दिपेश प्रधानले गरेका छन् ।
