गीत लेखेरै विश्व रेकर्ड कायम
डा. डीआर उपाध्यायले गीत लेखेरै विश्व रेकर्ड कायम गरेका छन् । गीतकार डा. उपाध्यायले ‘मायाको सागरमा’ गीति एल्बमको एक गीत १२ भाषामा तयार पारेर विश्व रेकर्ड राखेका हुन् ।
गीतमा सागर अधिकारी ‘शरद’, डा. डीआर उपाध्याय र प्रकाश तिमिल्सिनाको स्वर छ । यस गीतमा एल्बम ‘मायाको सागर’मा सन्तोष श्रेष्ठको संगीत छ । सो एल्बमको एउटा गीत नेपाली, हिन्दी, चाइनिज, जापानिज, अंग्रेजी, रसियन, कोरियन, फ्रेन्च, स्पेनिस, इटालियन, जर्मन र थाई भाषामा तयार पारिएको छ ।काठमाडौंमा आयोजित कार्यक्रममा गिनिज बुक अफ वर्ल्ड रेकर्डको प्रमाण पत्र श्रम, रोजगार तथा सामाजिक सुरक्षा मन्त्री रामेश्वर राय यादवले गीतकार डा. उपाध्यायलाई हस्तान्तरण गरे ।
सामाजिक दुरी कायम गर्दै केही व्यक्तिको उपस्थितिमा आयोजित कार्यक्रममा मन्त्री यादवले ‘उपाध्यायले गीत मार्फत् धेरैवटा विश्व रेकर्ड कायम राखेर नेपालीको गौरव बढाएको बताए ।
